Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 648 Hüküm no: 509 Orijinal metin no: [120b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İplikçi Ahmed’in terekesi Mahmiye-i İstanbul’da Hoca Kasım Gönânî mahallesinde sâkin olup bu sene-i mübârekede hacc-ı şerîfden gelirken vefât eden İplikçi el-Hâc Ahmed b. Süleyman’ın verâseti zevce-i metrûkesi Ümmühani Hatun [bt.] Mahmud ile sagīr oğlu Ebubekir ve sagīre kızları Âişe ve Hadîce ve Fâtıma’ya münhasıra oldukdan sonra müteveffâ-yı mezbûrun tahrîr ve tahmîn olunan terekesidir ki ber-vech-i âtî zikr olunur. Fi’l-yevmi’l-hâmis min-Cumâdelûlâ li-sene aşer ve mi’e ve elf. Beledî yasdık 5 600 akçe Yemenî yorgan 6 2.160 akçe Döşek 1 360 akçe Köhne serhaddî 600 akçe Çuka nîmten 360 akçe Köhne paça kürk 1.800 akçe Sagīr lengerî 6 160 akçe Sagīr kazgan 2 660 akçe Tencere 8, kapak 5 500 akçe Leğen ibrik 360 akçe Sini 360 akçe Bakraç ve kahve ibriği 180 akçe Sahan 6 360 akçe İplik 70 zirâ‘, iplik 35 zirâ‘ 2.520 akçe Gömlek 36, fî 27 16.740 akçe Ham iplik bir mikdâr 1.500 akçe Gömlek bahâsından nakid 2.280 akçe Cem‘an yekûn: 31.290 akçe Müteveffâ-yı mezbûrun terekesini îsâle [memûr] vasî el-Hâc Mustafa yediyle gelen eşyâsı, 168 guruş, fî 120: 20.160 akçe Cem‘an yekûn, beher para üçer akçeyedir: 51.960 akçe Minha’l-ihrâcât Mehr-i müsbet li-zevcetü’l-mezbûre 6.000 akçe Resm-i âdî 840 akçe Harc-ı hüccet-i nafaka 200 akçe Muhammene ve mesârif-i lâzıme 360 akçe Kaydiye-i defter ve hüccet 45 akçe Yekûne’l-ihrâcât: 7.445 akçe Sahhe’l-bâkī, yalnız kırk dört bin beş yüz on beş akçedir, para üçer akçeyedir: 44.515 akçe Hissetü’z-zevcetü’l-mezbûre 5.564 akçe Hissetü’l-ibni’l-mezbûr 15.580 akçe Hissetü’l-binti’l-mezbûre 7.790 akçe Hissetü’l-binti’l-mezbûre 7.790 akçe Hissetü’l-binti’l-mezbûre 7.790 akçe Kesr-i bâkī 1 akçe Mezbûr el-Hâc Ahmed b. Süleyman’ın evlâd-ı sıgārı Ebubekir ve Hadîce ve Âişe ve Fâtıma’nın tesviye-i emrlerine vasiyy-i mansûbesi ve vâlidesi Ümmühani Hatun talebiyle târîh-i merkūmdan sagīr-i mezbûr Ebubekir’e yevmî beş sağ akçe ve sagīrân-ı mezbûrâna yevmî dörder akçe ki cem‘an on yedi akçe farzı kayd şüd. Fî 5 min-Cumâdelûlâ sene 1110. Şuhûdü’l-hâl: Yahya Efendi b. Mustafa, Uşşâkī Mehmed Efendi, Ahmed Çelebi b. Süleyman, Mehmed Beşe b. Hüseyin, İbrahim Çelebi b. Mehmed