Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 667 Hüküm no: 530 Orijinal metin no: [124a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emine Hatun’un küçük oğlu Ahmed’e vasi tayin edildiği Mahmiye-i İstanbul’da Baba Hasan Alemî mahallesinde sâkine iken bundan akdem vefât eden Şerife Emine Hatun bt. el-Hâc Mustafa’nın sagīr oğlu es-Seyyid Ahmed b. Abdullah’ın emvâlini hıfza bir vasî nasb olunmak lâzım ve mühim olmağın emânet ve diyânet ile ma‘rûf, vesâyet-i mezbûre [uhdesin]den gelmeye kādir idiği zeyl-i kitâbda muharrerü’l-esâmî Müslimîn ihbârları ile lede’ş-şer‘ mütebeyyen oldukdan sonra mahmiye-i mezbûrede Sultan Bayezid Hân Câmi‘-i şerîfi kurbünde hâfızü’l-kitâb Abacı el-Hâc Abdurrahman b. Abdülkerim nâm kimesneyi hâkim-i muvakkı‘-ı sadr-ı kitâb efendi hazretleri ber-vech-i muharrer sagīr-i mezbûrun vakt-i rüşd ü sedâdına varınca kıbel-i şer‘den vasî nasb ü ta‘yîn buyurduklarında ol dahi vesâyet-i mezbûreyi ba‘de’l-kabûl merâsimini edâya ta‘ahhüd etmeğin mâ-vaka‘a kayd şüd. Fî 25 min-Zilhicce sene 1109. Şuhûdü’l-hâl: el-Hâc Mehmed b. İbrahim, el-Hâc Mustafa b. İbrahim, Ali Efendi b. Yusuf, el-Hâc Ahmed abacı, Mustafa Beşe b. Mehmed