Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 694 Hüküm no: 555 Orijinal metin no: [129a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan b. Abdullah’ın terekesi Duhânî tâifesinden olup Rumeli’nde Tekfurdağı nâm kasabada bundan akdem vefât eden Hasan b. Abdullah’ın zâhirde vâris-i ma‘rûfu olmamağla mecmû‘-ı terekesi cânib-i beytülmâle âid oldukdan sonra mahmiye-i İstanbul’da bi’l-fi‘il Beytülmâl Emîni Mustafa Ağa b. Abdurrahman’ın mahmiye-i mezbûrede vefât [eden] gümrük emîni vekîli Mehmed Ağa yedinden tereke-i müteveffâ-yı mezbûrdan olmak üzere kabz eylediği duhândır ki zikr olunur. Gurre-i Rebî‘ülâhir sene 1110. Emîn-i mezbûr Mustafa Ağa’nın vekîl-i mezbûrdan ber-vech-i muharrer kabz eylediği basma? ...? ta‘bîr olunur duhân, 510 kıyye, fî 35, meblağ 17.850 Minha’l-ihrâcât Beher vukıyeden yirmişer akçeden bâ-fermân-ı âlî vermeğin gümrükde 10.200 akçe Navul-ı sefîne 400 akçe Resm-i âdî 425 akçe Hammâliye 160 akçe Deyn-i sâbite 320 akçe Yekûn: 11.505 akçe El-bâkī der-yedü’l-emîn, para üçer akçe hesâbıncadır: 6.345 akçe