Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 714 Hüküm no: 571 Orijinal metin no: [132b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bağıcinan Hatun’un eşinin terekesinden bir şey saklamadığı ve Hüseyin’e nafaka takdiri Kezâlik vasiyy-i muhtârı olan Hüseyin Ağa b. Mahmud meclis-i ma‘kūd-ı mezbûrda zâtı ta‘rîf-i şer‘î ile mu‘arrefe olan mezbûre Bağıcinan bt. Abdullah mahzarında bi’l-vesâye üzerine da‘vâ ve takrîr-i kelâm edip müteveffâ-yı mezbûrun terekesinden mecmû‘u yüz elli guruş kıymetli bir samur kürk ve bir sîm raht ve seksen aded yaldız altını mezbûre Bağıcinan ketm ü ihfâ eder suâl olunsun dedikde gıbbe’s-suâl ve’l-inkâr müdde‘î-i mezbûrdan müdde‘âsına [beyyine] taleb olundukda ityân-ı beyyineden ızhâr-ı acz edip istihlâf etmeğin mezbûre Bağıcinan’a yemîn teklîf olundukda ol dahi ber-vefki’l-mesûl yemîn billâhi’l-aliyyi’l-a‘lâ etmeğin vasiyy-i mezbûr mezbûre Bağıcinan ile bî-vech mu‘ârazadan men‘ birle vâki‘ hâli ilâ-âhirihî. Hurrire fi’t-târîhi’l-mezbûr li-seneti’l-mezbûre. Şâhidûnü’s-sâbikūn Sagīr-i mezbûr Hüseyin’e vasiyy-i muhtârı mezbûr Hüseyin Ağa talebiyle mal-ı müntakilinden yevmî dörder akçe farz ve takdîr olunduğu bu mahalle kayd şüd. Fi’t-târîhi’l-mezbûr li-seneti’l-merkūme. Şâhidûnü’s-sâbikūn