Bab Mahkemesi 54 Numaralı Sicil (H. 1102 / M. 1691) cilt: 20, sayfa: 59 Hüküm no: 12 Orijinal metin no: [2b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Emetullah bt. Mustafa’nın Abdi Çelebi b. Mustafa’ya borcu olduğunu kabul etmesi Mahmiye-i İstanbul’da Kadırga Limanı kurbunda sâkin Abdi Çelebi b. Mustafa meclis-i şer‘-i şerîf-i enverde, Emetullah bt. Mustafa nâm hâtun mahzarında üzerine da‘vâ ve takrîr-i kelâm edip, mezbûre Emetullah zimmetinde cihet-i karzdan otuz beş guruş hakkım olmağın, suâl olunup alıverilmesi matlûbumdur dedikde, gıbbe’s-suâl mezbûr Emetullah Hâtun cevâbında, fi’l-hakīka müdde‘î-i mezbûr Abdi Çelebi’ye ber vech-i muharrer cihet-i karzdan zimmetinde otuz beş guruş vâcibü’l-edâ ve lâzımü’l-kazâ deyni olduğunu ikrâr ve i‘tirâf etmeğin, alâ mûcebi i‘tirâfihâ müdde‘î-i mezbûra meblağ-ı mezbûr otuz beş guruşu edâ ve teslîme mezbûr Emetullah Hâtun’a tenbîh birle, mâ hüve’l-vâki‘ bi’t-taleb ketb olundu. Fi’l-yevmi’s-sâmin aşer min Cemâziyelevvel li sene isneteyn ve mi’e ve elf. Şuhûdü’l-hâl: Mübâşir Ali Çavuş b. Hüseyin, İbrahim Çelebi b. Ahmed, Mustafa b. Hüseyin, Ebûbekir b. Hüseyin.