Bab Mahkemesi 54 Numaralı Sicil (H. 1102 / M. 1691) cilt: 20, sayfa: 60 Hüküm no: 13 Orijinal metin no: [2b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed Beşe b. Ahmed ve eşi Ümmühâni bt. Mustafa’nın evlerini Ömer Çelebi b. Abdullah’a satması Mahmiye-i İstanbul’da Mi‘mârî Şucâ‘ mahallesinde sâkin Mehmed Beşe b. Ahmed nâm kimesne ile zevcesi Ümmühâni bt. Mustafa nâm hâtun ba‘de’t-ta‘rîfi’ş-şer‘î meclis-i şer‘-i şerîf-i enverde, işbu bâ‘isü’l-kitâb İbrahim Çelebi b. Abdullah mahzarında her biri ikrâr-ı tâm ve takrîr-i kelâm edip, ale’l-iştirâki’s-seviy silk-i mülkünde münselik olup, mahalle-i mezbûrede vâki‘ bir tarafı Ömer Çelebi mülkü ve bir tarafı Şaban Efendi ve bir tarafı tarîk-i âm ile mahdûd fevkānî ve tahtânî iki oda ve bir sofa ve bir kenîf ve avluyu müştemil mülk menzilimi, bi cümleti’t-tevâbi‘ ve’l-levâhık ve kâffeti’l-hukūk ve’l-merâfık mezbûr İbrahim Çelebi’ye yüz otuz guruş tarafından îcâb ve kabûl[ü] hâvî bey‘-i bâtt-ı sahîh-i şer‘î ile bey‘ ve temlîk ve teslîm, ol dahi iştirâ ve kabûl ve temellük ve tesellüm eyledikden sonra semeni olan meblağ-ı mezbûr yüz otuz guruşu yedinden alıp kabz eyledik. Ba‘de’l-yevm menzil-i mahdûd-ı mezbûrda bizim kat‘â hak ve alâkamız kalmayıp, mezkûr İbrahim Çelebi’nin mülk-i müşterâsıdır, keyfe mâ yeşâ mutasarrıf olsun dediklerinde, gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’s-sâlis ve’l-ışrîn min Cemâziyelevvel li sene isneteyn ve mi’e ve elf. Şuhûdü’l-hâl: Ömer Çelebi b. Şükrullah, İmâm Abdullah Efendi b. İbrahim, Mehmed b. Ali Dede, Mustafa Çelebi b. İbrahim, Ali b. İbrahim, Berber el-Hâc Ahmed, İsmail b. Ali.