Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 736 Hüküm no: 592 Orijinal metin no: [136b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Hasan Ağa’nın Reisülküttab Şems Ahmed Efendi Para Vakfı’na borcu olduğu Kezâlik akd-i şer‘-i şerîf eyledikde sâbıkā Reisülküttâb Şems Ahmed Efendi’nin nukūd-ı mevkūfesine meşrûtiyyet üzere bi’l-fi‘il mütevellî olup Mahmiye-i mezbûrede Firuz Ağa mahallesinde Hallâc Mehmed Çelebi b. Nasuh meclis-i şer‘de müteveffâ-yı mezbûrun vasiyy-i muhtârı olan Hasan Ağa b. Mahmud mahzarında üzerine da‘vâ ve takrîr-i kelâm edip müteveffâ-yı mezbûr Hasan Ağa b. Abdullah vakf-ı mezbûra bundan mukaddem mütevellî olmağla mal-ı vakf-ı mezbûrdan yüz otuz altı buçuk guruş kendi mesârifine sarfla istihlâk edip zimmetinde reddi vâcib deyni olduğunu huzûr-ı Müslimînde hâl-i kemâl-i sıhhatinde fevtinden (°) ay mukaddem ikrâr ve işhâd edip kable’l-edâ fevt olmağla terekesinden taleb ederim suâl olunsun dedikde gıbbe’s-suâl ve’l-inkâr müdde‘î-i mezbûrdan müdde‘âsına beyyine taleb olundukda udûl-ı Müslimînden mahmiye-i mezbûrede Ayasofya-i kebîr mahallesinden İbrahim Çelebi b. Muharrem ve medîne-i Üsküdar’da Vâlide Sultan mahallesinde sâkin Mehmed Ağa b. Hasan li-ecli’ş-şehâde meclis-i ma‘kūd-ı mezbûrda hâzırân olup isre’l-istişhâd fi’l-hakīka müteveffâ-yı mezbûr Macar Hasan Ağa b. Abdullah hâl-i kemâl-i sıhhatinde fevtinden bir ay mukaddem asl-ı mal-ı vakf-ı mezbûrdan yüz otuz altı guruş kendi mesârifine sarfla istihlâk edip meblağ-ı mezbûrdan yüz otuz altı guruş zimmetinde vakf-ı mezbûra reddi vâcib deyni olduğunu huzûrumuzda ikrâr ve bizi işhâd edip kable’l-edâ vefât eyledi, biz bu husûsa bu vech üzere şâhidleriz şehâdet dahi ilâ-âhirihî. Fî 12 min-Cumâdelâhire sene 1110. Şuhûdü’s-sâbikūn