Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 737 Hüküm no: 593 Orijinal metin no: [137a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şehit olan Mehmed Paşa’nın çocuklarına nafaka takdiri Mahmiye-i İstanbul’da Emin Sinan mahallesi ahâlîsinden olup asrında sadrazam iken Tisa suyu ma‘rekesinde şehîden vedâ‘-ı âlem-i fânî eden merhûm Mehmed Paşa b. Abdurrahman Ağa’nın sulbî sagīr oğlu Mustafa Bey ile sagīre kızı Âişe Hanım’ın tesviye-i emrlerine kıbel-i şer‘den mansûb vasîleri hâfızü’l-kitâb Abdullah Ağa b. Mehmed meclis-i şer‘de takrîr-i kelâm ve ta‘bîr ani’l-merâm edip vasîleri olduğum sagīrân-ı mezbûrânın nafaka ve kisveye ihtiyâcları olmağla babaları merhûm-ı mezbûrdan intikāl-i âdî ile intikāl eden akārları icârâtından kadr-ı ma‘rûf nafaka ve kisve-bahâ farz ve takdîr olunmak matlûbumdur dedikde vasiyy-i mezbûrun kelimât-ı meşrûhası vâkı‘a mutâbık olmağın hâkim-i muvakkı‘-ı sadr-ı kitâb efendi hazretleri târîh-i rakamdan her birine akārâtı icâresinden yevmî otuzar sağ [akçe] nafaka ve kisve-bahâ farz ve takdîr şüd. Fî gurre-i Cumâdelâhire sene 1110. Şuhûdü’l-hâl: Mehmed Ağa b. Mahmud, es-Seyyid Mehmed Ağa b. Ali, el-Hâc Mustafa b. Mehmed, Ahmed Efendi b. Mustafa