Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 754 Hüküm no: 606 Orijinal metin no: [140a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüseyin Ağa’nın eşi Ayşe’de ortaya çıkan eşyasının küçük kızı Hatice’nin nafakasına mahsub edilmek üzere Ayşe’de bırakıldığı İşbu defter tahrîr ve taksîm oldukdan sonra müteveffâ-yı mezbûra rıkk-ı sâbıkını mu‘terif İvaz b. Abdullah mahfil-i kazâda seyyidim müteveffâ-yı mezbûr beni tahrîr eyledi deyü zevcesi Âişe Hatun muvâcehesinde iddi‘â ve müdde‘âsını isbât edemeyip lâkin müteveffâ-yı mezbûrun zevcesi mezbûre Âişe Hatun ikrâr etmekle mezbûr İvaz’ın kıymeti olan yüz elli guruşdan sagīre-i mezbûrenin sümün hissesi olan iki bin iki yüz elli akçesi sâkıt ve mâ‘adâsı on beş bin yedi yüz elli akçe si‘âyet lâzım gelmekle bu mahalde tahrîr olup ve mecmû‘u bin altı yüz akçe kıymetli iki tüfenk-i leh ve iki çuka perde ve bir leğen ve bir ibrik hâric ez-defter müteveffâ-yı mezbûrun zevcesi mezbûre Âişe yedinde zuhûr etmekle meblağ-ı mezbûr bin altı yüz altmış akçe sagīre-i mezbûrenin nafaka-i mefrûzasına mahsûb olmak üzere mezbûre Âişe Hatun yedinde ibkā olunmuşdur. Fi’l-yevmi’s-sâmin min-Cumâdelâhire li-seneti’l-mezbûre.