Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 800 Hüküm no: 645 Orijinal metin no: [149a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İsmail’in menzilini müştemilatıyla birlikte Molla Mustafa’ya sattığı Medîne-i Ebî Eyyûb-i Ensârî nevâhîsinden Silivri nâhiyesine tâbi‘ Haraccı nâm karyede sâkin iken bundan akdem vefât eden Mehmed Ağa b. Ramazan b. Yahya’nın verâseti oğlu merhûm Abdullah’ın kebîr oğlu İsmail’e münhasıra oldukdan sonra mezbûr İsmail mahfil-i kazâda bâ‘isü’l-kitâb Molla Mustafa b. Resul mahzarında ikrâr ve takrîr-i kelâm edip mûrisim müteveffâ-yı mezbûrun terekesinden olup karye-i mezbûrede vâki‘ bir tarafdan merhûm Mustafa Ağa veresesi mülküne ve bir tarafdan Hamam deresine ve bir tarafdan tarlaya ve bir tarafdan tarîk-i âmma müntehî dâhiliyesi fevkānî üç bâb oda ve iki sofa ve bir matbah ve bahçe ve bi’r-i mâ ve havluyu ve hâriciyesi tahtânî üç bâb oda ve bir sofa ve havluyu ve bir kıt‘a harâb bağ ve harman yeri ve harâb samanlık damı nıkzı ve iki münhedim ahır nıkzını müştemil çiftlik ta‘bîr olunur mülk menzilimi bi-cümleti’t-tevâbi‘ ve’l-levâhık ve kâffeti’l-hukūk ve’l-merâfık tarafeynden îcâb ve kabûlü hâvî şurût-ı müfsideden ârî bey‘-i kat‘î ile mezbûr Molla Mustafa’ya iki yüz guruşa bey‘ u temlîk ve mahallinde kabza taslît eylediğimde ol dahi ber-vech-i muharrer iştirâ ve temellük ve tesellüm ve kabz u kabûl eylediğinden sonra semeni olan meblağ-ı mezbûru müşteri-yi mezbûr âcilen edâya iktidârı olmayıp beher sene ellişer guruş vermek üzere tecîle tâlib olmağın ben dahi beher sene ellişer guruş vermek üzere târîh-i kitâbdan dört sene tamâmına değin tecîl ve taksît eyledim ba‘de’l-yevm menzil-i mezkûr cemî‘ müştemilâtıyla müşteri-yi mezbûr Mustafa’nın mülk-i müşterâsıdır keyfe mâ yeşâ ve yehtâr mutasarrıf olsun dedikde gıbbe’t-tasdîkı’ş-şer‘î kayd-şüd. Fî 2 min-Cumâdelûlâ sene 1110 Şuhûdü’l-hâl: Mustafa Bey b. Mehmed, İmâm Osman Efendi b. Mehmed, el-Hâc Mehmed Efendi, Mehmed Beşe b. Hüseyin, Yusuf Efendi b. Veli, Mustafa Efendi Başkâtib.