Bab Mahkemesi 54 Numaralı Sicil (H. 1102 / M. 1691) cilt: 20, sayfa: 63 Hüküm no: 19 Orijinal metin no: [3b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed Ağa b. Ramazan’ın çocuklarının vasîsi üzerine Hüseyin Çelebi b. Mustafa’nın nâzır tayini Mahmiye-i İstanbul’da [Ki]çi [Hâtun] mahallesinde sâkin [iken] bundan akdem Budin muhârebesinde şehîden fevt olan Keştî Ahmed Ağa b. Ramazan b. Abdülmennân nâm kimesnenin evlâd-ı sıgār-ı Mustafa ve Hatice ve Fâtıma’nın kıbel-i şer‘den mansûb vasiyy-i muhtârları olan Muharrem odabaşı üzerine bir nâzır lâzım ve mühim [olup], işbu râfi‘ü’l-vesîka Hüseyin Çelebi b. Mustafa her vechile nezâret uhdesinden gelmeğe kemâ-yenbağī kādir olduğu zeyl-i kitâbda mektûbü’l-esâmi sikāt-ı müslimîn ihbârıyla lede’ş-şer‘i’l-enver zâhir ve mütekarrir olmağla, mezbûr Hüseyin Çelebi kıbel-i şer‘den nâzır nasb ve ta‘yîn olundukda, ol dahi nezâret-i mezbûreyi kabûl ve hizmet-i lâzımesin kemâ-yenbağī edâya ta‘ahhüd etmeğin, işbu vesîka-i enîka mâ hüve’l-vâki‘ bi’t-taleb ketb olundu. Fi’l-yevmi’s-sânî ve’l-ışrîn min şehri Cemâziyelevvel li sene isneteyn ve mi’e ve elf. Şuhûdü’l-hâl: Hatîb Sâlih Efendi b. İbrahim, Şaban Ağa b. Ahmed, Mehmed Ağa b. ( ) , Mustafa b. Hüseyin, Mustafa Çelebi b. Hasan, Mehmed Çelebi b. Mustafa, Sâlih Çelebi b. Osman, Mustafa b. Ali.