Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 816 Hüküm no: 661 Orijinal metin no: [152a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe’nin vasisi Ali’nin muhasebesi Mahmiye-i İstanbul’da Şeyh Muhyiddin Kocavî mahallesinde sâkin iken bundan akdem vefât eden Ali Çelebi b. Hüseyin’in sagīre kızı Âişe’nin vasiyy-i muhtârı olan el-Hâc Ali Ağa b. İsa’nın üzerine hasbî nâzıresi ve sagīr-i mezbûrun vâlidesi Fâtıma bt. Abdullah b. Abdullah tarafından husûs-ı âti’l-beyânda vekîl olduğu zât-ı mezbûreyi ma‘rifet-i şer‘iyye ile ârifân Halil Ağa b. İbrahim ve Abdurrahman Efendi b. Mustafa şehâdetleriyle sâbit hâlâ zevci Abdi Çelebi b. Mehmed talebiyle bin yüz yedi Rebî‘ulâhiri’nin on sekizinci gününden târîh-i defter senesi Recebi gurresine gelince otuz sekiz ay ve on iki günlük hesâbı defteridir ki ber-vech-i âtî zikr olunur. Fî 12 min-Cumâdelâhire sene 1110 Ber-mûceb-i defter-i kassâm-ı askerî hisse-i sagīre-i mezbûre 50098 akçe Rusçuk’dan el-Hâc Süleyman nâm kimesneden kabz olunan sagīrenin ber-mûceb-i defter-i mezbûr hissesi 15240 akçe Vasiyy-i mezbûrun i‘mâli ile hâsıl olup makbûzum deyü ikrâr eylediği ribh, 34 guruş 4080 akçe Vekîl-i mezbûr vasiyy-i mezbûrdan meblağ-ı merkūmu i‘mâl edip üç senede on beş bin akçe hâsıl oldu deyü da‘vâ ve isbât edemeyip yemîn teklîf olundukda vasiyy-i mezbûr fedâen bilâ-yemîn(?) etmeğin sagīre-i mezbûre verdiği meblağ 9312 akçe Cem‘an yekûn: 78730 akçe. Para üçdür. Minha’l-ihrâcât: İki ay on iki günde beher şehr yüz seksener akçeden nafaka-i mefrûzasına meblağ 433 akçe Otuz altı ayda beher şehr üçer guruşdan nafakasına bâ-hüccet 12960 akçe Ba‘de’t-taksîm Abdi Çelebi isbât eylediği elli iki buçuk guruşdan sagīre-i mezbûreye isâbet eden 26 guruş 1 rub‘ 3150 akçe Harc-ı muhâsebe 360 akçe Kâtibiye 180 akçe Huddâmiye 30 akçe Kaydiye-i muhâsebe 15 akçe Yekûn: 17112 akçe. Para üçdür. Sahhe’l-bâkī: 61603 akçe. Be-hesâb-ı mezbûr