Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 817 Hüküm no: 662 Orijinal metin no: [152a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Müteveffa Muslu’nun küçük çocuklarına nafaka takdir edildiği Mahmiye-i İstanbul’da Beyceğiz mahallesinde sâkin iken bundan akdem vefât eden Mustafa Çelebi b. Murtaza b. Abdullah’ın sulbî sagīr oğulları Mehmed ve Hüseyin’in tesviye-i emrlerine vasiyy-i muhtârları hâfizü’l-kitâb Muslu b. Resul mahfil-i kazâda takrîr-i kelâm edip sagīrân-ı mezbûrânın nafaka ve kisveye zarûretleri olmağla müteveffâ-yı mezbûrdan kendüye intikāl eden mal-ı mevrûslarından kadr-ı kifâye nafaka ve kisve-bahâ farz olunmak matlûbumdur dedikde hâkim-i muvakkı‘-ı sadr-ı kitâb efendi hazretleri dahi sagīrân-ı mezbûrânın mal-ı müntakillerinden beher para üçer akçeye olmak üzere târîh-i mezbûrdan herbirine sekizer akçe nafaka farz ve takdîr-şüd. Fî 15 min-Cumâdelâhire sene 1110 Şuhûdü’l-hâl: Yahya Efendi b. Mustafa, Bakkāl Hasan Beşe b. Abdullah, Müezzin Ali Efendi b. Şa‘bân, İbrahim Beşe b. Muslu