Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 817 Hüküm no: 663 Orijinal metin no: [152b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Merhûm Yusuf Efendi’nin çocuklarına ve hizmetçilerine nafaka takdiri Mahmiye-i İstanbul’da Tercümân Yunus [mahallesi] ahâlîsinden olup bundan akdem Medîne-i Münevvere kādısı iken bundan akdem vefât eden merhûm Yusuf Efendi b. Halil’in sagīr oğulları Mehmed Çelebi ve Ahmed Çelebi ve İsmail Çelebi ve Mustafa Çelebi’nin tesviye-i emrlerine kıbel-i şer‘den bir vasî nasb olunmak lâzım ve mühim olmağın emânet [ve] diyânet ile mu‘arrefe vesâyet uhdesinden gelmeğe kemâ-yenbağī kâdire idiği zeyl-i vesîkada muharrerü’l-esâmî Müslimîn haberleriyle mütehakkık olan zikr olunan sagīrlerin vâlideleri umdetü’l-muhadderât hâfizetü’l-kitâb Âişe Hatun bt. Mehmed’i hâkim-i muvakkı‘-ı sadr-ı kitâb efendi hazretleri vasî nasb-şüd. Fî gurre-i Cumâdelâhire sene 1110 Şuhûdü’l-hâl: Mukayyid Mustafa Efendi b. Mehmed, Mümeyyiz(?) Ahmed Efendi, Murad Efendi b. Peykerzâde, Mustafa Efendi b. Ahmed. Sagīrûn-ı mezbûrûna vasîleri ve vâlideleri Âişe Hatun bt. Mehmed talebiyle mal-ı mevrûslarından hâdim ve hâdimeleri için(?) hâkim-i muvakkı‘-i sadr-ı kitâb efendi hazretleri yevmî kırk para nafaka farz ve takdîr-şüd. Fî târîhi’l-mezbûr li-seneti’l-mezbûre. Şuhûdü’l-hâl: Eş-şâhidûnü’s-sâbikūn.