Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 833 Hüküm no: 677 Orijinal metin no: [154b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Çelebi ile eşi Afife’nin vefat eden kızları Hakime Hatun’dan olan miras hisselerini teslim aldıkları Husûs-ı âti’l-beyânın mahallinde ketb ü tahrîri içün irsâl olunan Süleyman Efendi b. el-merhûm Mehmed Efendi mahmiye-i İstanbul’da Tokludede mahallesinde vefât eden Hakime Hatun bt. Mehmed Çelebi’nin menziline varıp akd-i meclis ettikde müteveffâ-yı mezbûrun babası mezbûr Mehmed Çelebi asâleten ve vâlidesi Afife Hatun bt. Mehmed b. Abdullah tarafından vekîl-i müsecceli olmağla vekâleten meclis-i ma‘kūd-ı mezbûrda müteveffât-ı mezbûrenin zevci bâisü’l-kitâb Osman Çelebi mahzarında ikrâr ve takrîr-i kelâm edip kızım müteveffât-ı mezbûrenin terekesinden ber-mûceb-i defter-i kassâm-ı askerî hisseme isâbet eden dört bin yedi yüz yirmi akçe ile vâlidesi müvekkilem mezbûre Afife’nin hissesine isâbet eden kezâlik dört bin yedi yüz yirmi akçeyi terekeden olmak üzere mezbûr Osman Çelebi yedinden tamâmen alıp kabz edip müteveffât-ı mezbûrenin terekesinden müvekkilem mezbûre Afife ile benim hisseme isâbet eden âmme-i mîrâs da‘vâsından mezbûr Osman Çelebi’nin zimmetini ibrâ ve iskāt etdim dedikde gıbbe’t-tasdîkı’ş-şer‘î vâki‘ hâli mevlânâ-yı mezbûr [mahallinde] tahrîr ma‘an mürsel Ahmed Çelebi b. Süleyman ile meclis-i şer‘a gelip takrîr etmeğin mâ-vaka‘a kayd-şüd. Fî 20 Cumâdelâhire sene 1110 Şuhûdü’l-hâl: Ahmed Efendi b. Ali el-İmâm, Mehmed Halîfe el-Müezzin, el-Hâc Abd[i] Efendi, Pir Mehmed Çelebi b. Mehmed, İbrahim Çelebi b. Mehmed.