Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 882 Hüküm no: 718 Orijinal metin no: [164a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Müteveffa Mehmed Efendi’nin vasiyeti için yapılan harcamaların muhasebesi Mahmiye-i İstanbul’da Emin Sinan mahallesi ahâlîsinden olup bundan akdem vefât eden merhûm Mehmed Efendi b. el-merhûm Süleyman Efendi’nin cemî‘ terekesinin sülüsünü ahz u kabz ve sülüs-i mezbûrdan vesâyâsını tenfîze vasiyy-i muhtârı olan fahrü’l-müderrisîni’l-kirâm Mustafa Efendi’nin üzerine hasbî nâzırları Osman Efendi b. Abdurrahim ve es-Seyyid Ahmed Çelebi b. Mustafa ma‘rifetleriyle sülüs-i mezbûrdan makbûzu olan meblağdan ma‘rifet-i şer‘le tenfîz etdiği vesâyâsıdır ki vech-i âtî üzere zikr olunur. Fî 6 min-Receb sene 1110 Tabh-ı ta‘âm ve techîz ve tekfîn ber-mûceb-i vasiyet 100 guruş İskāt-ı salât 50 guruş Bedel-i hac li’ş-Şeyh Mehmed 250 guruş Bedel-i hac li-Hacı İbrahim 250 guruş Mülâzım Osman Efendi’ye 30 guruş es-Seyyid Mustafa Efendi’ye 30 guruş Molla İbrahim’e 30 guruş Mahalle imâmına 10 guruş Müezzin Ömer’e 5 guruş Kayyum Mehmed’e 7,5 guruş Molla Ali’ye 10 guruş Diğer Molla İbrahim’e 5 guruş İğneciye 5 guruş Şehrî Hatun’a 30 guruş Üsküdarlı İsmail’e 10 guruş Bekçi Ali zevcesine 20 guruş İznikmidli es-Seyyid Mustafa’ya 10 guruş Hâfız Ahmed’e 15 guruş Vasiyet etdiği on beş hatm-i şerîf tilâvet edenlere 37,5 guruş Sülüs-i mezbûrdan vakıf olan kitâblar semeni 109 guruş Dersiye içün vakıf olan 1500 guruş Hasan Efendi’[ye] Mushaf-ı şerîf, 1 20 guruş Numan Efendi’ye Mushaf 6,5 guruş Molla Yusuf’a Mushaf, 1 10 guruş Mustafa Efendi’ye Mushaf-ı şerîf, 1 50 guruş Osman Efendi’ye Mushaf, 1 10 guruş Makbûzu olan paradan noksân gelen 36,5 guruş Yekûn mesârif: 2629,5 guruş. Müteveffâ-yı mezbûrun terekesinin sülüsünden vasiyy-i mezbûrun makbûzu iki bin sekiz yüz yirmi dokuz guruş olup bâlâda tahrîr olunan mesârifden mâ‘adâ yedinde olan iki yüz guruşu izn-i şer‘le vücûh-ı birr ü hayra sarf edip sülüs-i mezbûrdan vasiyy-i mezbûr zimmetinde bâkī bir şey kalmadığı bu mahalle şerh verildi.