Bab Mahkemesi 54 Numaralı Sicil (H. 1102 / M. 1691) cilt: 20, sayfa: 69 Hüküm no: 27 Orijinal metin no: [4b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Derviş Bey b. Mehmed’in Nikola v. Niko’da alacağının kalmadığı Vilâyet-i Rumeli’nde Yanya sükkânından Derviş Bey b. Mehmed nâm kimesne meclis-i şer‘-i şerîf-i enverde, işbu bâ‘isü’l-vesîka Nikola v. Niko nâm zimmî muvâcehesinde takrîr-i kelâm ve ta‘bîr ani’l-merâm edip, merkūm Nikola ile beynimizde ba‘zı ahz u i‘tâ vâki‘ olmuşdu. El-hâletü hâzihî mezbûr Nikola ile hesâbımız görüp merkūm Nikola zimmetinde bir akçe ve bir habbe hakkım kalmayıp, mezbûr ile kat‘â da‘vâ ve nizâ‘ım yokdur dedikde, gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Fî evâhiri Cemâziyelevvel li sene isneteyn ve mi’e ve elf. Şuhûdü’l-hâl: İbrahim Çavuş el-mübâşir, İbrahim Çelebi b. Ahmed, Mustafa b. Şaban, İbrahim Çelebi b. Mehmed, Ali b. Bâli.