Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 914 Hüküm no: 752 Orijinal metin no: [170a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Fatıma Hatun’un küçük kızına nafaka takdir edildiği Mahmiye-i İstanbul’da el-Hâc İsa mahallesi sâkinelerinden iken bundan akdem vefât eden Fâtıma Hatun bt. Halil’in sadrî sagīr oğlu Mehmed’in babası ve vasiyy-i mansûbu bâ‘isü’l-kitâb İmâm Ahmed Efendi b. Veliyüddin meclis-i şer‘-i hatîr-ı lâzımü’t-tevkīrde takrîr-i kelâm edip hâlâ vasîsi olduğum oğlum sagīr-i mezbûr içün vâlidesi müteveffât-ı mezbûreden müntakil mal-ı mevrûsundan kadr-ı kifâye nafaka ve kisve-bahâ farz ve takdîr olunmak matlûbumdur dedikde kelimâtı vâkı‘a mutâbıka olmağın hâkim-i muvakkı‘-i sadr-ı kitâb tûbâ-lehû ve hüsnü-meâb efendi hazretleri sagīr-i mezbûr içün târîh-i kitâbdan yevmî ikişer para nafaka ve kisve-bahâ farz ve takdîr buyurup meblağ-ı mefrûz-ı mezbûru sagīr-i mezbûrun levâzım-ı zarûriyesine harc ü sarfa ve lede’l-iktizâ istidâneye ve inde’z-zafer sagīr-i mezbûrun malına rücû‘a izin birle mâ-vaka‘a kayd-şüd. Fî gurreti Recebi’l-ferd sene 1110 Şuhûdü’l-hâl: Ahmed Çelebi b. Süleyman, Hüseyin Çelebi b. Mehmed, Rûşenî Mehmed Efendi, Mustafa Efendi b. Mehmed, Mehmed Efendi b. Pîrîzâde, Ali Efendi Nikâtî, Nasuh Beşe b. Yusuf ve gayruhum mine’l-huzzâr.