Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 966 Hüküm no: 794 Orijinal metin no: [180a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hatice Hatun’un vefat eden eşinin terekesinden para ve eşya gizlemediğini ispat ettiği Mahmiye-i İstanbul’da Emin Nureddin mahallesinde sâkin iken bundan akdem vefât eden Müezzin Ahmed Çelebi b. Himmet’in verâseti zevce-i menkûha-i metrûkesi Hadîce bt. Bekir ile sagīr oğulları Lütfullah ve Mehmed’e münhasıra oldukdan sonra sagīrân-ı mezbûrânın vasiyy-i mansûbları ve ammileri el-Hâc Ömer b. Himmet meclis-i şer‘-i hatîr-ı lâzımü’t-tevkīrde ba‘de’t-ta‘rîfi’ş-şer‘î mezbûre Hadîce bt. Bekir mahzarında bi’l-vesâye üzerine da‘vâ ve takrîr-i kelâm edip müteveffâ-yı mezbûrun eşyâ-i memlûkesinden dokuzar guruş kıymetli iki aded mâî çuka kontuş ile iki yüz guruşunu mezbûre Hadîce ketb ü ihfâ eder suâl olunsun dedikde gıbbe’s-suâl ve’l-inkâr müdde‘î-i mezbûrdan müdde‘âsına beyyine taleb olundukda ityân-ı beyyineden ızhâr-ı acz ile istihlâf etmeğin mezbûre Hadîce’ye yemîn teklîf olundukda ol dahi tereke-i müteveffâ-yı mezbûrdan eşyâ-i mezkûre ile nakd iki yüz guruşu ketb ü ihfâ etmediğine yemîn billâhi’l-aliyyi’l-a‘lâ etmeğin bilâ-beyyine bî-vech mu‘ârazadan men‘ birle mâ-vaka‘a kayd-şüd. Fî 15 min-Receb sene 1110 Şuhûdü’l-hâl: Rûşenî Mehmed Efendi, Muhzır Ahmed Çelebi b. Süleyman, es-Seyyid Mustafa Çelebi b. eş-Şeyh Ahmed, Ahmed Efendi b. Mehmed Efendi, Muhzır Kara Mehmed b. Hüseyin.