Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 997 Hüküm no: 812 Orijinal metin no: [185a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim Çavuş’un terekesi Mahmiye-i İstanbul’da Ali Paşa-i atîk mahallesi ahâlîsinden olup işbu <> sene-i mübârekede hacc-ı şerîfden gelirken esnâ-i tarîkde Taputkorusu nâm merhalede vefât eden sâdât-ı kirâm çavuşlarından es-Seyyid İbrahim Çavuş b. Mehmed’in verâseti zevce-i menkûha-i metrûkesi Kahraman Hatun bt. Abdullah ile li-ebeveyn kız karındaşı Şerife Karaman Hatun Vilâyet-i Rumeli’nde Osmanpazarı kazâsına tâbi‘ Turuncular(?) nâm karyede sâkin li-ebin karındaşı Himmet b. Mehmed’e münhasıra olmağın mezbûre Şerife Karaman Hatun’un oğlu ve vekîl-i müsecceli ve gāib-i mezbûr Himmet’in hüccet-i şer‘iyye ile vasiyy-i mansûbu es-Seyyid Halil Çavuş b. es-Seyyid Burhan ile zevce-i mezbûre Kahraman Hatun’un taleb ve ma‘rifetleriyle müteveffâ-yı mezbûrun tahrîr ve taksîm olunan terekesidir ki vech-i âtî üzere beyân olunur. Fî evâsıtı Cumâdelûlâ sene 1110 Kabsız zerdava kürk 1 3000 akçe Mor çukalı nâfe kürk 1 3000 akçe Yeşil çukalı köhne nâfe 1 1200 akçe Köhne nîmten kürk 1 120 akçe Hil‘at kaba kaftan 1 300 akçe Abanî kapama 1 300 akçe Sincabî cedîd kapama 1 480 akçe Köhne kapama 1 150 akçe Erguvânî çuka ferâce 1 1680 akçe Mâî ferâce cedîd çuka 1 1800 akçe Köhne kontuş 1 360 akçe Yeşil cedîd kontuş 1 1200 akçe Cedîd çuka çakşır 1 900 akçe Köhne çuka çakşır 1 360 akçe Köhne alaca zıbın 3 300 akçe Köhne beyâz sâde 3 300 akçe Hıltar-ı sürh 1 300 akçe Siyâh didik(?) 1 240 akçe Köhne sagīr ihrâm 1 60 akçe Seccâde müsta‘mel 2 300 akçe Kırmızı kilim 1 240 akçe Beyâz bogasi 6 720 akçe Alaca didik 1 600 akçe Köhne kavuk 2 180 akçe Tire peşkiri 2 480 akçe Sarı çizme cedîd 2 çift 360 akçe Mâî kuşak-ı Sakız 1 360 akçe Sîm hançer ma‘a bıçak 1 600 akçe Meksûre sîm hançer 1 240 akçe Kınsız hançer 1 120 akçe Köhne yeşil sarık 15 600 akçe Fincan-ı Acem 14 240 akçe Sagīr tepsi 1 60 akçe Boylu tüfenk 1 360 akçe Tabancalı tüfenk 3 300 akçe Sîmli raht 1 600 akçe Sîm gaddâre 1 600 akçe Sîm kılıç 1 1800 akçe Sîm balta 1 360 akçe Sîmli kamçı sagīr 1 60 akçe Kara kılıç 1 60 akçe Demir rikâb 1 60 akçe Post(?) rikâbı 1 360 akçe Demir topuz 1 60 akçe Cedîd seccâde 1 480 akçe Yekûn: 26160 akçe. Menzilinde çıkan eşyâdır. Müteveffâ-yı mezbûrun yanında ve Şam’da bulunan terekesidir ki tarîk-i hac ve Şam defterleri mûcebince hizmetinde olan es-Seyyid el-Hâc Halil b. es-Seyyid Hasan kabz eylediği nukūd ve eşyâ bahâsından olmak üzere getirip verese-i merkūmûna teslîm eylediği meblağlar ve eşyâdır ki zikr olunur. Tarîk-i hac defterinde sahhe’l-bâkī 159 guruş fî 120 19080 akçe Şam defterinde sahhe’l-bâkī 86 guruş fî 120 10320 akçe Lahor şal 2 1200 akçe Yemenî 1 top 480 akçe Misk-i göbek 2 360 akçe Mezbûr el-Hâc Halil’den altın ve bargir ve sâ‘at da‘vâsı mukābelesinde alınan bedel-i sulh ber-mûceb-i hüccet 75 guruş fî 120 9000 akçe Yekûn: 40440 akçe. Menzilinde çıkan ve taşradan gelen Cem‘an yekûn: 66600 akçe. Yalnız altmış altı bin altı yüz sağ akçedir. Minha’l-ihrâcât: Mehr-i müeccel-i müsbet li’z-zevcetü’l-mezbûre Meblağ 3000 akçe Resm-i kısmet ve kassâmiye ve huddâmiye Meblağ 1200 akçe Harc-ı hücec-i müte‘addide 480 akçe Mesârif-i lâzıme 900 akçe Kaydiye-i defter ve hücec 100 akçe Yekûn: 5680 akçe Sahhe’l-bâkī li’t-taksîmi beyne’l-verese: 60920 akçe. Yalnız altmış bin dokuz yüz yirmi sağ akçedir. Hissetü’z-zevcetü’l-mezbûre 15230 akçe Hissetü’l-uht li-ebeveyn 30460 akçe Hissetü’l-eh li-ebi’l-mezbûr 15230 akçe