Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 1006 Hüküm no: 819 Orijinal metin no: [187a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Müteveffa Hüseyin Ağa’nın küçük çocuklarına nafaka tayin edildiği Mahmiye-i İstanbul’da Sancakdâr Hayreddin mahallesi ahâlîsinden olup vilâyet-i Rumeli’nde Dubniçe kasabasında müsâfiren sâkin iken bundan akdem vefât eden Hüseyin Ağa b. Kasım’ın sagīr oğulları İbrahim ve Ali’nin tesviye-i emrlerine vasiyy-i muhtârları işbu râfi‘ü’l-kitâb Süleyman Ağa b. el-Hâc Ömer meclis-i şer‘-i enverde takrîr-i kelâm ve ta‘bîr ani’l-merâm edip sagīrân-ı mezbûrânın nafaka ve kisvelerine eşedd-i ihtiyâcları olmağla babaları müteveffâ-yı mezbûrdan müntakil mallarından kadr-ı kifâye nafaka ve kisve-bahâ farz ve takdîr olunmak bi’l-vesâye matlûbumdur dedikde vasiyy-i mezbûrun kelimât-ı meşrûhası vâkı‘a mutâbık olmağın hâkim-i muvakkı‘-i sadr-ı kitâb tûbâ-lehû ve hüsnü-meâb efendi hazretleri dahi sagīrân-ı mezbûrânın nafaka ve kisvesi’çün babaları müteveffâ-yı mezbûrdan müntakil mallarından târîh-i kitâbdan külle yevm para üç akçe hesâbınca yirmişer akçe farz ve takdîr buyurup meblağ-ı mefrûz-ı mezkûru sagīrân-ı mezbûrânın levâzım-ı zarûriyesine harc ü sarfa ve inde’l-iktizâ istidâneye ve lede’z-zafer mallarına rücû‘a vasiyy-i mezbûr Süleyman Ağa’ya izin vermeğin mâ-vaka‘a kayd-şüd. Fî gurreti Cumâdelâhire sene 1110 Şuhûdü’l-hâl: Eş-şâhidûnü’s-sâbikūn.