Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 1012 Hüküm no: 827 Orijinal metin no: [188a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Müteveffa Hüseyin Efendi’nin küçük kızı için bir bakıcı alınması Mahmiye-i İstanbul’da Kalenderhane mahallesinden olup işbu sene-i mübârekede hacc-ı şerîfe giderken medîne-i Mısır’da vefât eden Mevkūfât halîfesi Hüseyin Efendi b. Hasan b. Abdullah’ın kaynatası ve sagīre kızı Fâtıma’nın tesviye-i umûruna taraf-ı şer‘den vasiyy-i mansûbu olan umdetü’l-eşbâh ve’l-a‘yân Mehmed Bey b. el-Vezîr el-merhûm el-mağfûr Siyavuş Paşa meclis-i şer‘-i hatîr-ı lâzımü’t-tevkīrde takrîr-i kelâm edip sagīre-i mezbûre Fâtıma bir hâdineye muhtâc olup ve mal-ı müntakilinde müsâ‘ade olmağla mezbûreye hizmetde kādire sahîha ve sâlime bir [re]’s câriye iştirâsi’çün savb-ı şer‘den me’zûn olunmak matlûbumdur dedikde vasiyy-i mûmâ-ileyhin kelimât-ı meşrûhası vâkı‘a mutâbıka olduğu sikāt ihbârıyla müte‘ayyin olmağla hâkim-i muvakkı‘-i [sadr-ı ] kitâb tûbâ-lehû ve hüsnü-meâb efendi hazretleri sagīre-i mezbûre Fâtıma içün hizmetde kādire yüz seksen guruşa semen-i misli olmak üzere mal-ı müntakilinden bir re’s câriye iştirâ ve teslîm-i semene vasiyy-i mûmâ-ileyhe izin verilmeğin mâ-vaka‘a kayd-şüd. Fî 18 min-Recebi’l-ferd sene 1110 Şuhûdü’l-hâl: Eş-şâhidûnü’s-sâbikûn.