Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 47 Hüküm no: 3 Orijinal metin no: [1b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Ali Ağa’nın kızı Rukıye’ye Ahmed Efendi’nin vasi tayini Mahmiye-i İstanbul’da Debbâğzâde’[de] sâkin iken bundan akdem vefât eden Ali Ağa b. Osman’ın sulbiye sagīre kızı Rukıye’nin tesviye-i umûruna kıbel-i şer‘-i enverden bir vasî nasb u ta‘yîn olunmak lâzım ve mühim olmağın emânet ile ma‘rûf ve diyânet ve istikāmet ile mevsûf ve vesâyet uhdesinden gelmeye her vechile kādire idiği zeyl-i kitâbda muharrerü’l-esâmi Müslimîn haberleriyle lede’ş-şer‘i’l-enver zâhir ve mukarrer olan sagīre-i mezbûrenin üvey karındaşı işbu bâ‘isü’l-kitâb Ahmed Efendi b. Hüsnü hâkim-i muvakkı‘-ı sadr-ı kitâb bi-tevkī‘ihi’r-refî‘i’l-müstetâb tûbâ-lehû ve hüsnü-meâb efendi hazretleri sagīre-i mezbûrenin vakt-i rüşd ü sedâdına varınca tesviye-i umûruna vasî nasb u ta‘yîn buyurduklarında ol dahi vesâyet-i mezbûreyi kabûl ve merâsimini edâya ta‘ahhüd ve iltizâm etmeğin mâ-vaka‘a bi’t-taleb ketb olundu. Fi’t-târîhi’l-mezbûr seneti’l-merkūme. Şuhûdü’l-hâl: Ahmed Efendi b. Şa‘bân, Mehmed Bey b. İbrahim, Veli Efendi b. (°) el-müezzin, Verdi? Mehmed Çelebi b. (°), es-Seyyid Mustafa Efendi b. Balizâde.