Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 58 Hüküm no: 14 Orijinal metin no: [4a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Hüseyin’in küçük kızı Zeynep’e nafaka takdiri Mahmiye-i İstanbul’da Ağakapısı kurbünde Kâtib Şemseddin mahâllesinde sâkin iken bundan akdem vefât eden el-Hâc Hüseyin b. Halil’in sulbiye sagīre kızı Zeyneb’in tesviye-i umûruna kıbel-i şer‘den vasiyy-i mansûbu olan işbu bâ‘isü’l-kitâb İbrahim Efendi b. Ali talebiyle hâkim-i muvakkı‘-ı sadr-ı kitâb bi-tevkī‘ihi’r-refî‘i’l-müstetâb tûbâ-lehû ve hüsnü-meâb efendi hazretleri sagīre-i mezbûreye mâl-ı müntakilinden târîh-i kitâbdan beher yevm ikişer para nafaka ve kisve-baha farz ve takdîr buyurup meblağ-ı mefrûz-ı mezbûr beher yevm ikişer parayı sagīre-i mezbûre[ye] nafaka ve kisve-baha ve sâir levâzım-ı zarûriyesine harc u sarfa ve vakt-i hâcetde istidâneye ve lede’z-zafer mâlına rücû‘a vasiyy-i mezbûr İbrahim Efendi’ye izin birle mâ-vaka‘a bi’t-taleb ketb olundu. Fî 20 min-şehri Rebî‘ülâhir sene 1143. Şuhûdü’l-hâl: Molla İsmail b. Abdullah, Mustafa Çelebi b. Süleyman, Hüseyin Çelebi b. Şa‘bân, Halil Beşe b. Süleyman, Ahmed Çelebi b. Mehmed, Abdullah b. Receb, Mehmed Beşe b. Yusuf