Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 59 Hüküm no: 15 Orijinal metin no: [4a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Saraç Ömer Çelebi’nin terekesinden küçük kızı Zeynep’in çeyizi için para kullanılmasına izin verildiği Mahmiye-i İstanbul’da Hasan Halîfe mahâllesi sâkinlerinden iken bundan akdem vefât eden Saraç Ömer Çelebi b. Ebubekir’in sulbiye sagīre kızı Hafize’nin vâlidesi ve tesviye-i umûruna kıbel-i şer‘den mansûbe vasiyyesi işbu bâ‘isü’l-kitâb Rukıye Hatun b. Abdullah meclis-i şer‘-i hatîr-i lâzımü’t-tevkīrde bi’l-vesâye takrîr-i kelâm edip vasiyyesi olduğum kızım sagīre-i mezbûrenin babası müteveffâ-yı mezbûrdan müntakil mâlından cihâzı için kadr-ı ma‘rûf meblağ sarfına kıbel-i şer‘-i enverden bi’l-vesâye mezûn olmak matlûbumdur dedikde vasiyy-i mezbûrun kelimât-ı meşrûhası vâkı‘a mutâbıka idiği zeyl-i kitâbda muharrerü’l-esâmi Müslimîn haberleriyle lede’ş-şer‘i’l-enver zâhir ve mukarrer olmağın hâkim-i muvakkı‘-ı sadr-ı kitâb bi-tevkī‘ihi’r-refî‘i’l-müstetâb tûbâ-lehû ve hüsnü-meâb [4b] efendi hazretleri sagīre-i mezbûrenin mâl-ı müntakilinden cihâzı için kadr-ı ma‘rûf meblağ sarfına vasiyye-i mezbûre Rukıye Hatun’a izin birle mâ-vaka‘a bi’t-taleb ketb olundu. Fî 23 min-Cumâdelûlâ sene 1143. Şuhûdü’l-hâl: Es-seyyid Mehmed Ağa b. el-Hâc Mustafa, Lütfullah Çelebi b. el-Hâc İsmail, Hasan Efendi b. Mustafa, İsmail Efendi b. Habib, el-Hâc Mehmed b. Ali, Yusuf Beşe b. Abdullah çukadâr