Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 59 Hüküm no: 16 Orijinal metin no: [4b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Hüseyin’in kızı Zeynep üzerine İbrahim Efendi’nin vasi tayin edildiği Mahmiye-i İstanbul’da Ağakapısı kurbünde Kâtib Şemseddin mahâllesinde sâkin iken bundan akdem vefât eden el-Hâc Hüseyin b. Halil’in sulbiye sagīre kızı Zeyneb’in tesviye-i umûruna kıbel-i şer‘den bir vasî nasbı lâzım ve mühim olmağın emânet ile ma‘rûf ve istikāmet ile mevsûf ve her vechile vesâyet uhdesinden gelmeye kādir idiği zeyl-i kitâbda muharrerü’l-esâmi Müslimîn haberleriyle lede’ş-şer‘i’l-enver zâhir ve mukarrer olan işbu bâ‘isü’l-kitâb İbrahim Efendi b. Ali’yi hâkim-i muvakkı‘-ı sadr-ı kitâb bi-tevkī‘ihi’r-refî‘i’l-müstetâb tûbâ-lehû ve hüsnü-meâb efendi hazretleri sagīre-i mezbûrenin vakt-i rüşd ü sedâdına varıncaya tesviye-i umûruna vasî nasb u ta‘yîn buyurduklarında ol dahi ber-vech-i muharrer vesâyet-i mezbûreyi kabûl ve merâsimini edâya ta‘ahhüd ve iltizâm etmeğin mâ-vaka‘a bi’t-taleb ketb olundu. Fî 20 min-Rebî‘ülâhir sene 1143. Şuhûdü’l-hâl: Molla İsmail b. Abdullah, Mustafa Çelebi b. Süleyman, Hüseyin Çelebi b. Şa‘bân, Halil Beşe b. Osman, Ahmed b. Mehmed, Abdullah Beşe b. Receb, Mahmud Beşe b. Yusuf