Bab Mahkemesi 54 Numaralı Sicil (H. 1102 / M. 1691) cilt: 20, sayfa: 80 Hüküm no: 43 Orijinal metin no: [7a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Emrullah bt. Mehmed’in boşandığı eşi Cafer b. Receb’de alacağı kalmadığı Mahmiye-i İstanbul’da Topkapısı kurbunda Mustafa Çavuş mahallesi sâkinelerinden Emrullah bt. Mehmed Hâtun ba‘de’t-ta‘rîfi’ş-şer‘î meclis-i şer‘-i şerîf-i enverde, zevc-i mutallıkı işbu bâ‘isü’l-kitâb Cafer b. Receb nâm kimesne mahzarında ikrâr ve takrîr-i kelâm edip, bundan akdem mezbûr Cafer beni bâyinen tatlîk etmekle, mezbûrun zimmetinde mütekarrir ve ma‘kūdun aleyh olan beş bin akçe mehr-i müeccel ve nafaka-i iddet-i mu‘ayyene-i ma‘lûmem ve me’ûnet-i süknâm için dahi bi’t-terâzî ta‘yîn olunan dört yüz elli akçe ki, cem‘an beş bin dört yüz akçe hakkı zevc-i mutallıkım mezbûr Cafer yedinden bi’t-tamâm ve’l-kemâl ahz u kabz edip, hukūk-ı zevciyyete müte‘allika âmme-i da‘vâdan zevc-i mutallıkım mezbûr Cafer’in zimmetini ibrâ-i âmm-ı kātı‘ü’n-nizâ‘la ibrâ ve iskāt eyledim dedikde, gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sâbi‘ ve’l-ışrîn min Cemâziyelevvel li sene isneteyn ve mi’e ve elf. Şuhûdü’l-hâl: İbrahim Çelebi b. Ahmed, Ali Çelebi b. Bâli, Çavuşzâde Mehmed Çelebi b. İdris, Ahmed b. Ahmed.