Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 75 Hüküm no: 37 Orijinal metin no: [7b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali b. Abdullah’ın vefatıyla oğluna Mehmed Çelebi’nin vasi tayin edildiği Mahmiye-i İstanbul’da Kâtib Hüsrev mahâllesinde sâkin iken bundan akdem vefât eden el-Hâc Ali b. Abdullah’ın sulbî sagīr oğlu Numan’ın tesviye-i umûruna kıbel-i şer‘den bir vasî nasbı lâzım ve mühim olmağın emânet ve istikāmet ile ma‘rûf ve her vechile vesâyet uhdesinden gelmeye kādire idiği zeyl-i kitâbda muharrerü’l-esâmi Müslimîn haberleriyle lede’ş-şer‘i’l-enver zâhir ve nümâyân olan sagīr-i mezbûrun hâli işbu bâ‘isü’l-kitâb Mehmed Çelebi b. Mustafa’yı hâkim-i muvakkı‘-ı sadr-ı kitâb bi-tevkī‘ihi’r-refî‘i’l-müstetâb tûbâ-lehû ve hüsnü-meâb efendi hazretleri sagīr-i mezbûrun vakt-i rüşd ü sedâdına varınca tesviye-i umûruna vasî nasb u ta‘yîn buyurduklarında ol dahi vesâyet-i mezbûreyi kabûl ve hizmet-i lâzımesini edâya ta‘ahhüd ve iltizâm etmeğin mâ-vaka‘a bi’t-taleb ketb olundu. Fî 28 min-Cumâdelûlâ sene 1143. Şuhûdü’l-hâl: el-Hâc Abdi b. el-Hâc Yusuf, Ali Ağa b. Ahmed, Süleyman Çavuş b. Abdullah, el-Hâc Osman b. el-Hâc Abdullah, el-Hâc Mehmed b. Veli