Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 86 Hüküm no: 50 Orijinal metin no: [9b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Kahveci Ömer’in çocuklarına terekeden nafaka takdiri Mûmâ-ileyh imzâsıyla Mahmiye-i İstanbul’da Dâye Hatun mahâllesinde sâkin iken bundan akdem vefât eden Kahveci el-Hâc Ömer b. Mustafa’nın sulbî sagīr oğlu Mehmed ve sulbiye sagīre kızı Hafize’nin tesviye-i umûruna bâ-hüccet-i şer‘iyye vasiyy-i muhtârları işbu hâfızü’l-kitâb Süleyman Çelebi b. Mehmed meclis-i şer‘-i şerîf enverde takrîr-i kelâm edip vasîleri olduğum sagīrân-ı mezbûrânın nafaka ve kisve-bahaya ihtiyâçları olmağla babaları merhûm-ı mezbûrdan müntakil mâllarından ve dükkân icâresinden kadr-ı ma‘rûf nafaka ve kisve-baha kıbel-i şer‘den farz ve takdîr olunmak matlûbumdur dedikde vasiyy-i mezbûrun kelimât-ı meşrûhası vâkı‘a mutâbıka idiği zeyl-i kitâbda muharrerü’l-esâmi Müslimîn haberleriyle lede’ş-şer‘i’l-enver zâhir ve mukarrer olmağın hâkim-i muvakkı‘-ı sadr-ı kitâb bi-tevkī‘ihi’r-refî‘i’l-müstetâb tûbâ-lehû ve hüsnü-meâb efendi hazretleri sagīrân-ı mezbûrân Mehmed ve Hafize’ye babaları müteveffâ-yı mezbûrdan müntakıl mâllarından ve dükkân icâresinden beher yevm otuz altı akçe nafaka ve kisve-baha farz ve takdîr buyurup meblağ-ı mefrûz-ı mezbûr beher yevm otuz altı akçenin yirmi akçesi sagīr-i mezbûr Mehmed ve on altı akçesi sagīre-i mezbûre Hafize’nin levâzımlarına harc u sarfa ve vakt-i hâcetde istidâneye ve ledez-zafer mâllarına rücû‘a vasiyy-i mezbûr Süleyman Çelebi’ye izin birle mâ-vaka‘a bi’t-taleb ketb olundu. Fî 5 min-şehri Rebî‘ülâhir sene 1143. Şuhûdü’s-sâbıkūn