Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 87 Hüküm no: 51 Orijinal metin no: [9b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hacdan dönerken vefat eden Mustafa b. Yusuf’un terekesi Mahmiye-i İstanbul’da Kumkapı kurbünde Nişâncı Mehmed Paşa mahâllesi ahâlîsinden iken bu sene-i mübârekede hacc-ı şerîfden gelir iken esnâ-i tarîkde bundan akdem vefât eden el-Hâc Mustafa b. Yusuf’un verâseti zevce-i menkûha-i metrûkesi Emine Hatun bt. Abdullah ile sulbiye sagīre kızı Rukıye’ye ve vâlidesi Fâtıma bt. Mehmed’e ve li-ebeveyn kız karındaşı Âişe Hatun’a münhasıra olduğu şer‘an zâhir ve mukarrer oldukdan sonra sagīre-i mezbûrenin vâlidesi ve tesviye-i umûruna kıbel-i şer‘den mansûbe vasiyyesi mezbûre Emine Hatun ve Fâtıma Hatun ve Âişe Hatun taleb ve ma‘rifetiyle tahrîr ve beyne’l-verese taksîm olunan tereke-i müteveffâ-yı mezbûrdur ki ber-vech-i âtî zikr olunur. Fî 29 min-Cumâdelûlâ sene 1143. Müteveffâ-yı mezbûrun Yorgancılar içinde Kalcılar Hanı’nda vâki‘ dükkânında olup bey‘ olunan eşyâsı semeni olan 4.800 akçe müteveffâ-yı mezbûrun hîn-i fevtinde yanında mevcûde olup bey‘ olunan eşyâsı semeni olan 40.020 akçe. Cem‘an yekûn: 44.820 akçe Minhe’l-ihrâcât, deyn-i müsbet es-Seyyid el-Hâc Abdullah bâ-hüccet: 24.000 akçe [10a] Meblağ-ı merkūm bu tarafa gelince harc u sarf olunan: 830 akçe Resm-i âdî 500 akçe, kaydiye 30 akçe Cem‘an yekûn 25.360 akçe Sahhü’l-bâkī 19.460 meblağ Hissetü’z-zevce 2.432 akçe Hissetü’l-üm 3.243 akçe Hissetü’l-bint 9.730 akçe Hissetü’l-uht 4.055 akçe