Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 94 Hüküm no: 58 Orijinal metin no: [11a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Mustafa b. Yusuf’un kızına vasi tayin edildiği Mahmiye-i İstanbul’da Kumkapı kurbünde Nişâncı Mehmed Paşa mahâllesi ahâlîsinden iken bu sene-i mübârekede hacc-ı şerîfden gelir iken esnâ-i tarîkde bundan akdem vefât eden el-Hâc Mustafa b. Yusuf’un sulbiye sagīre kızı Rukıye’nin tesviye-i umûruna kıbel-i şer‘den bir vasî nasbı lâzım ve mühim olmağın emânet ile ma‘rûfe ve istikāmet ile mevsûfe ve her vechile vesâyet uhdesinden gelmeye kādire idiği zeyl-i kitâbda muharrerü’l-esâmi Müslimîn haberleriyle lede’ş-şer‘i’l-enver zâhir ve mukarrer olan sagīre-i mezbûrenin vâlidesi işbu bâ‘isetü’l-kitâb Emine Hatun bt. Abdullah’ı hâkim-i muvakkı‘-ı sadr-ı kitâb bi-tevkī‘ihi’r-refî‘i’l-müstetâb tûbâ-lehû ve hüsnü-meâb efendi hazretleri sagīre-i mezbûrenin vakt-i rüşd ü sedâdına varınca tesviye-i umûruna vasî ve üzerine es-Seyyid Abdullah b. es-Seyyid Süleyman’ı nâzır nasb ve ta‘yîn buyurduklarında onlardan her biri dahi vesâyet ve nezâret-i mezbûreyi kabûl ve hizmet-i lâzımelerin kemâ-yenbağī edâya ta‘ahhüd ve iltizâm etmeğin mâ-vaka‘a bi’t-taleb ketb olundu. Fî 27 min-Cumâdelevvel sene 1143. Şuhûdü’l-hâl: Ahmed Çelebi b. İbrahim, İbrahim Çelebi b. Ahmed, el-Hâc Ahmed b. Mehmed, Ali Çelebi b. Mustafa, Mustafa Çelebi b. Hasan