Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 99 Hüküm no: 63 Orijinal metin no: [11b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Süleyman Efendi’nin vefatıyla kızı Hanife’ye nafaka takdir edildiği Mahmiye-i İstanbul’da Cafer Ağa mahâllesinde sâkin iken bundan akdem vefât eden Süleyman Efendi b. Mehmed’in sulbiye sagīre kızı Hanife’nin tesviye-i umûruna bâ-hüccet-i şer‘iyye vasiyy-i muhtârı işbu bâ‘isü’l-kitâb Mahmud Efendi b. el-Hâc İbrahim talebiyle hâkim-i muvakkı‘-ı sadr-ı kitâb bi-tevkī‘ihi’r-refî‘i’l-müstetâb tûbâ-lehû ve hüsnü-meâb efendi hazretleri sagīre-i mezbûre Hanife’nin babası müteveffâ-yı mezbûrdan müntakil mâlından beher yevm sekizer akçe nafaka farz ve takdîr buyurup meblağ-ı mefrûz-ı mezbûr beher yevm sekizer akçeyi sagīre-i mezbûrenin nafakasına harc u sarfa ve lede’l-iktizâ istidâneye ve inde’z-zafer sagīre-i mezbûrenin mâlına rücû‘a vasiyy-i mezbûr Mahmud Efendi’ye izin birle mâ-vaka‘a bi’t-taleb ketb olundu. Fî 29 min-Cumâdelûlâ sene 1143. Şuhûdü’l-hâl: Fahrü’l-müderrisîni’l-kirâm Mehmed Emin Efendi b. Hüseyin, Abdurrahman Efendi b. Hüseyin el-müezzin, Abdülbaki Efendi b. Abdurrahman, Süleyman Bey b. Hüseyin, Hasan Beşe b. Hamza, Salih Çelebi b. Sefer, el-Hâc Ahmed b. Hasan