Bab Mahkemesi 54 Numaralı Sicil (H. 1102 / M. 1691) cilt: 20, sayfa: 82 Hüküm no: 46 Orijinal metin no: [7b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ali Ağa b. Hasan’ın ortağı Mustafa Efendi’ye borcu olduğu Mahmiye-i İstanbul’da ( ) mahallesinde sâkin Ali Ağa b. Hasan nâm kimesne meclis-i şer‘-i şerîf-i enverde, bi’l-fi‘il defter emîni olan umdetü’l-emâcid ve’l-ekârim câmi‘u’l-mehâsin ve’l-mekârim şerîki Mustafa Efendi hazretleri taraf-ı bâhirü’ş-şereflerinden husûs-ı âti’l-beyânı vekîl-i müsecceli olan fahrü’l-akrân Ali Ağa b. Sefer nâm kimesne mahzarında ikrâr ve takrîr-i kelâm edip, müvekkil-i müşârün-ileyh Mustafa hazretlerinden iki bin esedî olmak üzre yedi yüz yirmi yedi şerefî ve yüz kırk altı yaldız altını istikrâz ve kabz edip, imzâ ve hatmini hâvî temessükü dahi yedine def‘ ve teslîm eyledim. Hâlâ temessük nâtık olduğu üzre meblağ-ı mezbûr vâcibü’l-edâ deynimdir dedikde, gıbbe’t-tasdîki’ş-şer‘î mâ hüve’l-vâki‘ bi’t-taleb ketb ve imlâ olundu. Fi’l-yevmi’s-sâdis ve’l-ışrîn min şehri Cemâziyelevvel li sene isneteyn ve mi’e ve elf. Şuhûdü’l-hâl: Osman b. Mehmed, Mehmed Çelebi b. ( ), İbrahim b. Şaban, Ali b. el-Hâc Sefer, Mustafa Ağa b. ( ) ve gayruhüm.