Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 120 Hüküm no: 82 Orijinal metin no: [15b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatıma Hatun’un terekesinin üçte birinin taksim defteri Mahmiye-i İstanbul’da Sancakdâr Hayreddin mahâllesinde sâkine iken bundan akdem vefât eden Fâtıma Hatun b. Hızır’ın sülüs-i mâlını vesâyâ-yı mu‘ayyenesine sarfa bâ-hüccet-i şer‘iyye vasiyy-i muhtârı Mehmed Efendi b. el-Hâc Ahmed’in tereke-i müteveffât-ı mezbûrenin sülüsünden makbûzu olup ashâbına tevzî‘ ve taksîm eylediği sülüs defteridir ki ber-vech-i âtî zikr olunur. Fî 2 min-Cumâdelâhire sene 1143. Sülüs-i tereke-i müteveffât-ı mezbûreden makbûz-ı vasiyy-i mezbûr Mehmed Efendi: 26.289 akçe Minhe’l-masârıf #&# Iskāt-ı salât 4.000 akçe Mushaf-ı şerîf 3 3.600 akçe Hâ Mîm-i şerîf 2.400 akçe Tevhîd-i şerîf 1.800 akçe Tabh-ı ta‘âm li’l-fukarâ 2.400 akçe Müezzin Abdullah Efendi 1.000 akçe Berây-ı? vasiyy-i mezbûr Mehmed Efendi 5.000 akçe Molla Hasan’a 300 akçe A‘mâ Hüseyin Dede’ye 400 akçe Âişe Hatun’a 400 akçe Molla Hüseyin’e 240 akçe Zeliha Hatun’a 400 akçe Molla Mustafa’ya 360 akçe Molla Ahmed’e 240 akçe İsmail Dede’ye 360 akçe Fâtıma Hatun’a 320 akçe Emine Hatun’a 180 akçe Sagīr Hüseyin’e 229 akçe Ta‘mîr-i kabr-i müteveffât-ı mezbûre 2.400 akçe Fâtıma Hatun’a 260 akçe Harc-ı defter 300 akçe Yekûn: 26.589 akçe Meblağ-ı mezbûr <> yirmi altı bin beş yüz seksen dokuz akçenin vasiyy-i mezbûra ta‘yîn olunan beş bin akçe vasiyy-i mezbûr kabz edip meblağ-ı mezbûr beş bin akçeden bâkī yirmi bir bin akçeyi ashâbına tevzî‘ edip meblağ-ı mezbûrdan zimmetinde bir akçe bâkī kalmadığına vasiyy-i mezbûr tahlîf olunduğu bu mahâlle şerh olundu.