Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 120 Hüküm no: 83 Orijinal metin no: [15b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Süleyman Çelebi’nin görülen hesap defteri Dergâh-ı âlî yeniçerilerinin kırk üçüncü cemâ‘at odası yoldaşlarından olup medîne-i Tebriz’den gelirken Darıca nâm karyede bundan akdem vefât eden Serdengeçdi Mehmed Ağa b. Mustafa’nın sulbiye sagīre kızı olup mahmiye-i İstanbul’da Sarı Demirci mahâllesinde sâkine Havva’nın tesviye-i umûruna bâ-hüccet-i şer‘iyye vasiyy-i muhtârı olan Kuruyemişci Süleyman Çelebi b. Mustafa’nın müteveffâ-yı mezbûrun li-ebeveyn ammi oğlu ve usûbet-i nesebiye cihetinden vârisi olan Ahmed Beşe b. Hamza talebiyle bin yüz kırk iki senesi Cumâdelûlâsının onuncu gününden bin yüz kırk üç senesi Cumâdelûlâsı gāyetine gelince on iki ay yirmi günde vasiyy-i mezbûrun makbûz ve masrûfunun görülen hesâb defteridir ki ber-vech-i âtî zikr olunur. Fî 4 min-Cumâdelâhir sene 1143. Sagīre-i mezbûrenin ber-mûceb-i defter-i kassâm-ı askerî hissesi olup vasiyy-i mezbûrun makbûzu olan 15.662 akçe Müteveffâ-yı mezbûrun Darıca nâm karyede vâki‘ mülk hora bağının bi’l-izni’ş-şer‘î âhara bey‘ olunan sagīre-i mezbûrenin nısf hissesi sümünü olup vasiyy-i mezbûrun makbûzu olan 46.440 akçe [16a] Sagīr-i mezbûrun Yemişiskelesi’nde vâki‘ bir buçuk vakıf dükkân icâresinden yirmi bir ayda vasiyy-i mezbûrun makbûzu olan 13.170 akçe Göncüoğlu el-Hâc Mehmed nâm kimesneden sagīre-i mezbûrenin mâlı olup vasiyy-i mezbûrun makbûzu 1.800 akçe Sagīre-i mezbûrenin bi’l-izni’ş-şer‘î âhara ferâğ olunan mârrü’z-zikr Darıca karyesinde vâki‘ vakıf arsa bedelinden vasiyy-i mezbûrun makbûzu olan 12.000 akçe Sagīre-i mezbûrenin mârrü’z-zikr Darıca karyesinde vâki‘ kış bağı mahsûlünden müddet-i mezbûrede vasiyy-i mezbûrun makbûz olan 6.743 meblağ Müddet-i mezbûrede vasiyy-i mezbûrun murâbahadan makbûzu olan 6.319 akçe Cem‘an yekûn: 102.134 akçe Minhe’l-masârıf Sagīr-i mezbûrenin on dokuz ayda beher şehr on beş akçe nafaka-i mefrûzasına vasiyy-i mezbûrun masrûfu olan 8.550 akçe Sagīre-i mezbûrenin mârrü’z-zikr bir buçuk dükkân için yirmi bir ayda beher şehr yetmiş beşer akçe vakıf icâresine vasiyy-i mezbûrun masrûfu 1.575 akçe Müteveffâ-yı mezbûrun hayâtında mârrü’z-zikr bir buçuk dükkân için zimmetinde müctemi‘ olan icâre-i vakıfdan sagīre-i mezbûrenin hissesine lâzım gelen 840 akçe Sagīre-i mezbûreye mârrü’z-zikr bir buçuk dükkân intikālleri için vasiyy-i mezbûrun masrûfu 2.805 akçe Sagīre-i mezbûreye mârrü’z-zikr vakıf arsa tapusu için vasiyy-i mezbûrun masrûfu 940 akçe Zikr olunan nısf bağ ve arsanın dellâliyeleri ve harcırâh için vasiyy-i mezbûrun masrûfu 2.278 akçe Mârrü’z-zikr nısf bağ ve arsanın izn-i hüccete vasiyy-i mezbûrun masrûfu olan 375 akçe Mârrü’z-zikr bir buçuk dükkân ta‘mîrine yirmi bir ayda vasiyy-i mezbûrun masrûfu 2.376 akçe Mârrü’z-zikr kış bağının vasiyy-i mezbûrun masrûfu 9.360 akçe Harc-ı defter-i muhâsebe 720 akçe Kalemiye ve hüddâmiye 240 akçe Kaydiye 15 akçe Yekûn-ı masârıf: 30.074 akçe Sahhü’l-bâkī bi-yedi’l-vasiyyi’l-mezbûr: 72.056 akçe