Bab Mahkemesi 54 Numaralı Sicil (H. 1102 / M. 1691) cilt: 20, sayfa: 83 Hüküm no: 48 Orijinal metin no: [7b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Resul b. Sabit’in tarlasını Ali Çelebi b. Osman’a satması Vilâyet-i Anadolu’da Kastamonu sancağında Sarı kazâsına [tâbi‘] Eşen nâm karye sükkânından Resul b. Sabit nâm kimesne meclis-i şer‘-i şerîf-i enver ve mahfil-i dîn-i münîf-i ezherde Ali Çelebi b. Osman nâm kimesne mahzarında ikrâr ve takrîr-i kelâm edip, karye-i mezbûrede vâki‘ beyne’l-ahâlî ve’l-cîrân ma‘lûmü’l-mahdûd ve’l-kat‘ taht-ı tasarrufumda olan tarlamı bâ-ma‘rifet-i sâhib-i arz mezbûr Ali Çelebi’ye yirmi guruş bedel mukābelesinde ferâğ ve tefvîz, ol dahi ber vech-i muharrer tefevvüz ve kabûl eylediğinden sonra bedel-i ferâğ olan meblağ-ı mezbûr yirmi beş guruşu mezbûr Ali Çelebi yedinden bi’t-tamâm ve’l-kemâl ahz u kabz edip, mahallerinde her birini ahz u kabz ve tasarrufa taslît eyledim. Fîmâ ba‘d tarla-[yı] mezkû[rda] hak ve alâkam kalmayıp merkūm Ali Çelebi’nin dâhil-i havza-i tasarrufu olmuşdur dedikde, gıbbe’t-tasdîki’l-mu‘teberi’l-vicâhî, mâ vaka‘a bi’t-taleb ketb olundu. Fi’l-yevmi’s-sâmin aşer min şehri Cemâziyelevvel li sene isneteyn ve mi’e ve elf. Şuhûdü’l-hâl: Receb Çelebi b. İbrahim, Abdülkādir b. Osman, İbrahim Çelebi b. Sefer, Yahya b. Receb, Abdülbâki b. Mehmed, Abdullah Efendi b. Himmet Efendi>>