Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 147 Hüküm no: 101 Orijinal metin no: [20b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emine Hatun’un terekesi Mahmiye-i İstanbul’da Çelebioğlu mahâllesinde sâkin iken bundan akdem vefât eden Emine Hatun bt. Hüseyin’in verâseti zevc-i metrûkü Mehmed Beşe b. Hasan ile vâlidesi Hanife Hatun bt. Hüseyin’e ve li-ebeveyn kız karındaşı Hadîce Hatun’a ve li-üm karındaşı sagīr Hasan b. Ali’ye münhasıra ve tashîh-i meselesi bi-hükmi’l-kavl sekiz sehmden olup sihâm-ı mezbûrenin üç sehmi mezbûr Mehmed Beşe’ye ve bir sehmi vâlidesi mezbûreye ve üç sehmi kız karındaşı mezbûre Hadîce’ye ve bir sehmi li-üm karındaşı sagīr-i mezbûra isâbeti tahakkukundan sonra sagīr-i mezbûrun babası ve velîsi ve vasiyy-i şer‘îsi Ali Odabaşı b. Ahmed ve mezbûre Hadîce Hatun’un zevci ve tarafından vekîl-i sâbitü’l-vekâlesi İsmail Çelebi b. Hasan ve mezbûrân Mehmed Beşe ve Hanife Hatun taleb ve ma‘rifetleriyle tahrîr ve taksîm olunan tereke-i müteveffât-ı mezbûredir ki [21a] ber-vech-i âtî zikr olunur. Fî 5 (°) sene 1143. Yemenî yorgan 4 920 akçe Orta keçesi 1, ve yan 3 1.800 akçe 8 kıt‘a yasdık yüzü 3.640 akçe Çuka kapı perde 1, ve ocak perde 1, ve seccâde 1 2.000 akçe Köhne beyaz seccâde 110 akçe Telli hatâî anteri 840 akçe Köhne anteri 2 390 akçe Cübbe çuka 1 700 akçe Terpûş yemenî 1 150 akçe Telli hatâî sincab kürk 1.440 akçe Köhne çuka ferâce 2 840 akçe Köhne çarşeb 2 170 akçe Köhne sâde 1, peştemâl 1 150 akçe Sedefli ayna 1 150 akçe Boğça 3 200 akçe Na‘leyn 2, kutu 1 120 akçe Hurda zümrüd küpe 1 çift 1.300 akçe Zümrüd yüzük 1 480 akçe Gömlek 1 120 akçe Sagīr sîm kuşak 240 akçe Sandal şalvar 1 300 akçe Sepet sandık 2 300 akçe Tencere bâ-tabak 4 950 akçe Leğen ibrik 410 akçe Tuç sahan 6 160 akçe Tas 1, kepçe , şamdân 1 (°) akçe Tepsi 1 660 akçe Sahan 7 410 akçe Tepsi 1 81 akçe Güğüm 1.480 akçe Döşek 840 akçe Çarşeb 3 400 akçe Yasdık gılâfı 11, minder 3 2.580 akçe Altın bilezik 1 çift 4.720 akçe Müteveffât-ı mezbûrenin Çivizâde mahâllesinde vâki‘ bey‘ olunan menzilden hisse-i sümünü 6.138 akçe Cem‘an yekûn: 38.157 akçe Minhe’l-ihrâcât Resm-i âdî ve kassâmiye ve hüddâmiye 840 akçe Dellâliye 360 akçe Ta‘âmiye ve hammâliye ve masrûfât-ı sâire 360 akçe Kaydiye 21 akçe Yekûn: 1.581 akçe Sahhü’l-bâkī li’t-taksîm: 36.576 akçe Hissetü’z-zevci’l-mezbûr 13.716 akçe Hissetü’l-ümmi’l-mezbûre 4.572 akçe Hissetü’l-uhti’l-mezbûre 13.716 akçe Hissetü’s-sagīr Hasan 4.572 akçe