Bab Mahkemesi 54 Numaralı Sicil (H. 1102 / M. 1691) cilt: 20, sayfa: 85 Hüküm no: 51 Orijinal metin no: [8a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mihal v. Mihail’in Hüseyin Beşe b. Himmet’e borcu olduğu Mahmiye-i İstanbul’da Kebeciler Hân’ında sâkin Hüseyin Beşe b. Himmet meclis-i şer‘-i şerîf-i enverde, mahmiye-i mezbûrede Avcıbey mahallesi sâkinlerinden Mihal v. Mihail nâm zimmî muvâcehesinde üzerine da‘vâ ve takrîr-i kelâm edip, mezbûr Mihal zimmetinde yedimden iştirâ ve kabz eylediği beynimizde ma‘lûm bogasi semeninden dokuz yüz elli akçe hakkım olup taleb [8b] eylediğimde edâdan imtinâ‘ eder, suâl olunup alıverilmesi matlûbumdur dedikde, gıbbe’s-suâl mezbûr Mihal cevâbında, fi’l-vâki‘ kaziyye vech-i muharrer üzre olup, müdde‘î-i mezbûra cihet-i mezkûreden dokuz yüz elli akçe zimmetinde deyni olduğunu ikrâr ve i‘tirâf etmeğin, mûcebiyle meblağ-ı mezbûr dokuz elli akçeyi müdde‘î-i mezbûre edâ ve teslîme mezbûr Mihal’e ba‘de’t-tenbîh, mâ hüve’l-vâki‘ bi’t-taleb ketb olundu. Fi’l-yevmi’s-sâdis ve’l-ışrîn min Cemâziyelevvel li sene isneteyn ve mi’e ve elf. Şuhûdü’l-hâl: İbrahim Çelebi b. Ahmed, Mehmed b. Ahmed, Ahmed b. Ahmed, el-Hâc Abdülkerim.