Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 182 Hüküm no: 124 Orijinal metin no: [27b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ümmü Gülsüm Hatun’un terekesi Mahmiye-i İstanbul’da Cezerî Kasım Paşa mahâllesinde sâkine iken bundan akdem vefât eden Ümmü Gülsüm Hatun bt. Veli’nin verâseti zevc-i metrûkü Abdurrahman Efendi b. Ali ile vilâyet-i Rumeli’nde Hezargrad kazâsına tâbi‘ Cabir nâm karyede sâkin zî-rahm cihetinden li-ebeveyn kız karındaşı oğlu Halil ve kızları Fâtıma ve Âişe nâm gāiblere münhasıra olduğu şer‘an zâhir ve mütebeyyen oldukdan sonra gāibûn-ı mezbûrûnun hisse-i mevkūfelerini ahz u kabz ve îsâle vasiyy-i muhtârları olan el-Hâc Ahmed Efendi b. Receb ile mezbûr Abdurrahman Efendi taleb ve ma‘rifetleriyle tahrîr olunan tereke-i müteveffât-ı mezbûredir ki ber-vech-i âtî zikr olunur. Fî 8 min-Cumâdelâhire sene 1143. Çatma yasdık 8 2.000 akçe Minder 6 1.000 akçe Orta keçesi ve yan 1.000 akçe Köhne yorgan 2 600 akçe Dikme yorgan 840 akçe Döşek 600 akçe Sincab kürk 1.400 akçe Kaftan ve anteri 1.080 akçe Köhne kapı perdesi 60 akçe Boğça 3 208 akçe Def‘a anteri 200 akçe Def‘a kaftan 420 akçe Def‘a yorgan 2 540 akçe Baş yasdık 120 akçe Köhne ferâce yemenî serpûş 300 akçe Gömlek 180 akçe Peştemâl 180 akçe Üstlük 300 akçe Lenger-i sagīr 2 105 akçe Yüz yasdık yüzü 180 akçe Sedef mir’ât 120 akçe Köhne sâ‘at 480 akçe Sagīr yorgan 150 akçe Çuka cübbe 360 akçe Köhne çintiyân 150 akçe Güğüm 480 akçe Şamdân 2 60 akçe Hatem 220 akçe Ocak yaşmağı 150 akçe İnci kuşak 2.055 akçe Altın bilezik, 15 miskāl 0,5 dirhem 6.480 akçe Zümrüd küpe, 1 çift 2.480 akçe Bakır evân, 27 kıyye 3.480 akçe Mehr-i müeccel der-zimmet-i zevc 1.000 akçe Cem‘an yekûn: 28.968 akçe Minhe’l-ihrâcât Resm-i âdî 600 akçe Dellâliye ve kâtibiye ve hammâliye 400 akçe Harc-ı hüccet-i vesâyet 240 akçe Masârıf-ı vasî 300 akçe Kaydiye-i defter ve hüccet 60 akçe Yekûn: 1.600 akçe Sahhu[‘l-bâkī]: 28.968 akçe Hisse-i zevc 13.684 akçe Hisse-i ibn Halil 6.842 akçe Hisse-i bint Fâtıma 3.421 akçe Hisse-i bint Âişe 3.421 akçe