Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 210 Hüküm no: 151 Orijinal metin no: [33b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Hatice’nin mallarının varisler arasında paylaştırıldığı Mahmiye-i İstanbul’da Dırağman Çeşmesi kurbünde Hamamcı Muhyiddin mahâllesinde sâkine iken bundan akdem vefât eden sagīre Hadîce bt. Ahmed Ağa’nın verâseti min-kıbeli’l-üm ceddesi Emetullah Hatun bt. Osman Efendi ile min-kıbeli’l-eb ceddesi Ümmühani Hatun bt. Abdullah’a ve li-eb kız karındaşı Emine nâm bikr-i bâliğaya ve li-eb er karındaşı oğlu ve usûbet-i nesebiye cihetinden sagīr Emin Mehmed b. İbrahim Ağa’ya münhasıra olduğu şer‘an zâhir ve mütehakkık oldukdan sonra mezbûre Emetullah Hatun bt. Osman Efendi’nin zevci ve tarafından vekîl-i sâbitü’l-vekâlesi Ahmed Ağa b. Mehmed ve sagīr-i mezbûr Emin Mehmed’in vasiyyesi mezbûre Ümmühani Hatun ve mezbûre Emine’nin tarafından vekîl-i nâibü’l-vekâlesi Saliha Hatun bt. Abdullah ve sagīre müteveffât-ı mezbûre Hadîce’nin hayâtında tesviye-i umûruna bâ-hüccet-i şer‘iyye vasiyy-i muhtârı el-Hâc Süleyman Ağa b. İsmail taleb ve ma‘rifetleriyle tahrîr ve taksîm olunan hisse-i müntakılesidir ki ber-vech-i âtî zikr olunur. Fî 29 min-şehri Rebî‘ülâhir sene 1143. Ber-mûceb-i defter-i muhâsebe sagīre-i müteveffât-ı mezbûrenin babası müteveffâ-yı mezbûr Ahmed Ağa’dan müntakil mâl-ı mevrûsu: 109.595 akçe Kezâlik babasından mevrûs bey‘ olunan Acem Rüstem câriye semeni: 12.000 akçe Mahâlle-i mezbûrede vâki‘ arsa-i muhterika alâ-tarîkı’l-münâsaha defter-i kassâmda takdîm olunan meblağdan sagīre-i müteveffât-ı mezbûrenin hissesi: 5.577 akçe Cem‘an yekûn: 127.172 akçe Minhe’l-ihrâcât Techîz ve tekfîn ve sâir masârıf-ı defter 4.320 akçe Mukaddemâ verilen harc-ı hüccet-i isbât-ı deyn ve kalemiye ve hüddâmiye 1.560 akçe Resm-i âdî ve kassâmiye ve hüddâmiye 3.000 akçe Dellâliye-i câriye 240 akçe Kaydiye-i defter 60 akçe Yekûn: 9.180 akçe Sahhü’l-bâkī, hisse-i müntakıle ve semen-i câriye 112.415, arsa-i muhterika semeni 5.577 Hissetü’l-ceddeti’l-mezbûre Hisse-i müntakıleden 9.327 akçe Arsadan 464 akçe Hissetü’l-ceddeti’l-mezbûre Kezâlik 9.227 akçe Kezâlik 464 akçe Hissetü’l-uhti’l-mezbûre Kezâlik 56.207 akçe Kezâlik 2.777 akçe Hissetü’l-ammi’l-mezbûr Kezâlik 37.554 akçe Kezâlik [1.771] akçe