Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 211 Hüküm no: 152 Orijinal metin no: [34a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Mahmud’un kızı Ayşe’nin vasisi olan Ahmed’in muhasebe kaydı Mahmiye-i İstanbul’da Kasab Timurhan mahâllesinde sâkin iken bundan akdem vefât eden <> es-Seyyid el-Hâc Mahmud b. es-Seyyid Halil’in sulbiye sagīre kızı Şerîfe Âişe’nin tesviye-i umûruna bâ-hüccet-i şer‘iyye vasiyy-i muhtârı el-Hâc Ahmed b. Mustafa’nın üzerine nâzır-ı muhtârı Mehmed Çelebi b. Receb ve sagīre-i mezbûrenin vâlidesi Havva Hatun bt. Salih taleb ve ma‘rifetleriyle bin yüz otuz sekiz senesi Şa‘bânı gurresinden bin yüz kırk üç senesi Cumâdelâhiresi gurresine gelince elli sekiz aylık vasiyy-i mezbûrun makbûz ve masrûfunun görülen hesâb defteridir ki ber-vech-i âtî zikr olunur. Fî 14 min-Cumâdelâhire sene 1143. Sagīre-i mezbûre Şerîfe Âişe’nin babası müteveffâ-yı mezbûrdan müntakıl ber-mûceb-i defter-i muhâsebe hisse[si] 26.666 akçe Ba‘dehû vefât eden li-eb kız karındaşı Şerîfe Fâtıma’dan ber-mûceb-i defter-i kassâm hissessi 4.259 akçe Müddet-i mezbûrede vasiyy-i mezbûrun i‘mâliyle murâbahadan makbûzu 11.400 akçe Cem‘an yekûn: 42.325 akçe Minhe’l-ihrâcât Müddet-i mezbûrede bâ-hüccet-i şer‘iyye beher şehr ikişer yüz on akçeden vasiyy-i mezbûrun nafakaya masrûfu 12.180 akçe Arsa-i hâliye havlusu ta‘mîrine vakıf icâresine sarf olunan meblağdan hissesi 240 akçe Harc-ı muhâsebe 150 akçe Kalemiye hüddâmiye 120 akçe Kaydiye 15 akçe Yekûnü’l-ihrâcât: 12.705 akçe Sahhü’l-bâkī bi-yedi vasiyyi’l-mezbûr: 29.620 akçe