Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 212 Hüküm no: 153 Orijinal metin no: [34a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Mahmud’un oğlu Mehmed’in vasisi olan Ahmed’in muhasebe kaydı Mahmiye-i İstanbul’da Kasab Timur mahâllesinde sâkin iken bundan akdem vefât eden es-Seyyid el-Hâc Mahmud b. es-Seyyid Halil’in sulbî oğlu es-Seyyid Mehmed’in tesviye-i umûruna bâ-hüccet-i şer‘iyye vasiyy-i muhtârı el-Hâc Ahmed b. Mustafa’nın üzerine nâzır-ı muhtârı Mehmed Çelebi b. Receb ve mezbûr es-Seyyid Mehmed’in vâlidesi Havva Hatun bt. Salih taleb ve ma‘rifetleriyle bin yüz otuz sekiz senesi Şa‘bânı gurresinden bin yüz kırk üç senesi Cumâdelâhiresi gurresine gelince elli sekiz aylık vasiyy-i mezbûrun makbûz ve masrûfunun görülen hesâbı defteridir ki ber-vech-i âtî zikr olunur. Fi’l-yevmi’r-râbi‘ aşer min-Cumâdelâhire sene 1143. Ber-mûceb-i defter-i muhâsebe mezbûr es-Seyyid Mehmed’in babası müteveffâ-yı mezbûrdan müntakıl hissesi 53.334 akçe Ba‘dehû fevt olan li-eb kız karındaşı Şerîfe Fâtıma’dan ber-mûceb-i defter-i kassâm-ı askerî hissesi 8.518 akçe Müddet-i mezbûrede vasiyy-i mezbûrun i‘mâliyle murâbahadan makbûzu 22.800 akçe Cem‘an yekûn: 84.652 akçe Minhe’l-masârıf Müddet-i mezbûrede beher şehr dörder yüz yirmişer akçeden bâ-hüccet-i şer‘iyye nafakasına vasiyy-i mezbûrun masrûfu 24.360 akçe Bi’l-izni’ş-şer‘î mezbûr es-Seyyid Mehmed’in hıtânı masârıfına masrûfu 4.000 akçe Arsa-i hâliyenin havlusu ta‘mîrine ve vakıf icâresine verilen mezbûr Mehmed’in hissesine lâzım gelen 480 akçe Harc-ı muhâsebe 300 akçe Kalemiye ve hüddâmiye 180 akçe Kaydiye 15 akçe Yekûnü’l-ihrâcât: 29.335 akçe Sahhü’l-bâkī bi-yedi’l-vasiyyi’l-mezbûr: 55.317 akçe