Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 213 Hüküm no: 154 Orijinal metin no: [34a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Ayşe’nin mallarının varisler arasında paylaşıldığı Mahmiye-i İstanbul’da Kasab Timurhan mahâllesinde sâkin iken bundan akdem vefât eden es-Seyyid el-Hâc Mahmud’un sulbiye kebîre kızı olup medîne-i Üsküdar muzâfâtından İstavroz karyesinde sâkine iken bundan akdem vefât eden Şerîfe Fâtıma nâm bikr-i bâliğanın verâseti li-eb kız karındaşı sagīre Şerîfe Âişe ile li-eb er karındaşı es-Seyyid Mehmed Çelebi’ye münhasıra olduğu şer‘an zâhir ve mukarrer oldukdan sonra sagīre-i mezbûre Şerîfe Fâtıma’nın tesviye-i umûruna bâ-hüccet-i şer‘iyye vasiyy-i muhtârı el-Hâc Ahmed b. Mustafa ve nâzır-ı muhtârı Mehmed Çelebi b. Receb ve mezbûr es-Seyyid Mehmed Çelebi taleb ve ma‘rifetleriyle tahrîr ve taksîm olunan terekesidir ki ber-vech-i âtî zikr olunur. Fi’l-yevmi’r-râbi‘ aşer min-Cumâdelâhire sene selâse ve erba‘în ve mi’e ve elf. Müteveffât-ı mezbûre Fâtıma’nın babası müteveffâ-yı mezbûrdan müntakil ber-mûceb-i defter-i muhâsebe mâl-ı mevrûsu 30.302 akçe Müteveffât-ı mezbûrenin hâl-i sıgārında vasiyy-i mezbûrun i‘mâliyle murâbahadan makbûzu 6.000 akçe Müteveffât-ı mezbûrenin karye-i mezbûrede bey‘ olunan terekesi semeni 5.896 akçe Cem‘an yekûn: 42.198 akçe Minhe’l-ihrâcât Techîz ve tekfîn ve ıskāt-ı salât ber-mûceb-i vasiyet 3.600 akçe Deyn-i müsbet Saliha Hatun 8.535 akçe Müteveffât-ı mezbûreye hayâtında vasiyy-i mezbûr el-Hâc Ahmed’in teslîm eylediği 40 guruş 4.800 akçe Beher şehr ikişer yüz on akçeden bâ-hüccet-i şer‘iyye vasiyy-i mezbûr el-Hâc Ahmed’in elli altı aylık nafakasına masrûf 11.760 akçe [Arsa-i] hâliyenin havlusu ta‘mîrine vakıf icâresinden müteveffât-ı mezbûrenin hissesine lâzım gelen 360 akçe Resm-i âdî ve kassâmiye ve hüddâmiye 350 akçe Kaydiye 15 akçe Yekûn: 29.420 akçe Sahhü’l-bâkī: 12.778 akçe Hissetü’l-ahi’l-mezbûr es-Seyyid Mehmed 8.518 akçe Hissetü’l-uhti’l-mezbûre 4.259 akçe