Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 214 Hüküm no: 155 Orijinal metin no: [34b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Çelebi’nin vefatıyla kızlarına Mustafa Çelebi’nin vasi tayin edildiği Fi’l-asl vilâyet-i Rumeli’nde medîne-i Yenişehir ahâlîsinden olup mahmiye-i İstanbul’da Karaki Hüseyin Çelebi mahâllesinde misâfiren sâkin iken bundan akdem vefât eden Mehmed Çelebi b. Salih’in sulbiye sagīre kızları olup medîne-i mezbûrede sâkine Emine ve Âişe’nin hisse-i ırsiyelerini ahz u kabz ve zabt u hıfza kıbel-i şer‘-i enverden bir vasî nasbı lâzım ve mühim olmağın emânet ile ma‘rûf ve diyânet ve istikāmet ile mevsûf ve vesâyet uhdesinden her vechile gelmeye kādir idiği zeyl-i kitâbda muharrerü’l-esâmi Müslimîn haberleriyle lede’ş-şer‘i’ş-şerîf zâhir ve mukarrer olan sagīretân-ı mezbûretânın ammileri işbu bâ‘isü’l-kitâb Mustafa Çelebi b. Salih’i hâkim-i muvakkı‘-ı sadr-ı kitâb bi-tevkī‘ihi’r-refî‘i’l-müstetâb tûbâ-lehû ve hüsnü-meâb efendi hazretleri sagīretân-ı mezbûretânın hisse-i ırsiyelerini ahz u kabz ve zabt u hıfza vasî ve kayyım nasb u ta‘yîn buyurduklarında ol dahi vesâyet-i mezbûreyi kabûl ve hizmet-i lâzımesini edâya ta‘ahhüd ve iltizâm etmeğin mâ-vaka‘a bi’t-taleb ketb olundu. Fî 18 min-Cumâdelâhire sene 1143. Şuhûdü’l-hâl: İbrahim Çelebi b. Salih, İsmail Çelebi b. Mustafa, Mehmed Çelebi sırmakeş, diğer İbrahim Çelebi b. Osman