Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 218 Hüküm no: 160 Orijinal metin no: [35b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abdurrahman ve İbrahim’in vasileri olan babaları Mehmed b. Mustafa’nın muhasebe defteri Mahmiye-i İstanbul’da Sarı Bâyezid mahâllesinde sâkine iken bundan akdem vefât eden Hadîce Hatun bt. Abdullah’ın sadrî sagīr oğulları Abdurrahman ve İbrahim’in babaları ve tesviye-i emrlerine cânib-i şer‘den mansûb vasîleri el-Hâc Mehmed b. Mustafa’nın bin yüz kırk iki senesi şehr-i Ramazan’ı gurresinden bin yüz kırk üç senesi Cumâdelâhirinin gāyetine gelince on ayda vasiyy-i mezbûrun görülen hesâbı defteridir ki ber-vech-i âtî zikr olunur. Fî 10 min-Cumâdelâhire sene 1143. Ber-mûceb-i defter-i muhâsebe sagīrân-ı mezbûrânın hisse-i ırsiyeleri: 46.428 akçe Minhe’l-masârıf Sagīrân-ı mezbûrânın îdiyelerine masrûf-ı vasiyy-i mezbûr 800 akçe Ücret-i bezzâzistân 120 akçe Harc-ı defter 200 akçe Kalemiye hüddâmiye 90 akçe Kaydiye 15 akçe Yekûn: 1.225 akçe Sahhü’l-bâkī: 45.204 akçe Vasiyy-i mezbûrun defterde olan hesâb üzere bin yüz kırk üç senesi şehr-i Ramazan’ı gurresine varınca nafaka-i mefrûzaları olan on iki bin altı yüz kırk akçeyi muhâsebe-i sâbık defterinde bi’t-tamâm ve’l-kemâl ahz u kabz eylediği işbu mahâlle şerh olundu.