Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 220 Hüküm no: 162 Orijinal metin no: [35b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İsmihan Hatun’un ve daha sonra vefat eden kızı Ayşe’nin terekesi Mahmiye-i İstanbul’da Uzun Yusuf mahâllesinde sâkine iken bundan akdem vefât eden İsmihan Hatun bt. el-Hâc Mustafa’nın verâseti zevc-i metrûkü el-Hâc Ali Odabaşı b. Yusuf ile vâlidesi Rabia Hatun bt. Halil’e ve sadriye sagīre kızı Âişe’ye münhasıra olduğu şer‘an zâhir ve mütehakkık oldukdan sonra mezbûrân el-Hâc Mustafa ve Rabia Hatun taleb ve ma‘rifetleriyle tahrîr ve bi-hükmi’l-kavl taksîm olunan tereke-i müteveffât-ı mezbûredir ki ber-vech-i âtî zikr olunur. Fî 6 min-Cumâdelâhire sene 1143. Hâre anteri 100 akçe Kutnî anteri 200 akçe Sâde hatâî kavuşdurma 200 akçe Çuka cübbe 300 akçe Kırmızı çuka ferâce 470 akçe Bir mikdâr keten bezi 150 akçe Köhne yemenî boğça 20 akçe Köhne yorgan çarşebi 60 akçe Hamam gömleği 60 akçe Bürüncük don 60 akçe Bürüncük bez 100 akçe Bürüncük gömlek 120 akçe Serpûş 30 akçe Münakkaş bez yasdık yüzü 40 akçe Yemenî yasdık yüzü 20 akçe Köhne sandal boğça 30 akçe Münakkaş sandal yüz yasdık 100 akçe Bürüncük don 40 akçe Sagīr inci kuşak kolan 480 akçe Köhne kuşak kolan 60 akçe Musaddef ayna 150 akçe Bir mikdâr keten ipliği ve kenâr ipliği 120 akçe Kaliçe seccâde 200 akçe Köhne kilim 60 akçe Sagīr sîm kuşak 2 480 akçe Altın hatem yüzük 2 720 akçe İnci küpe 1.230 akçe Beledî yasdık 4 480 akçe Beledî döşek 300 akçe Yeşil bey? çuka mak‘ad 120 akçe Köhne yemenî yorgan bâ-çarşeb 120 akçe Peştemâl ve havlu silecek 90 akçe Sagīr tencere 2 240 akçe Sahan 2 100 akçe Sagīr kahve ibriği 20 akçe Hamam tası 45 akçe Sepet sandık 150 akçe Mehr-i müeccel fî-deyni’z-zevci’l-mezbûr 3.000 akçe Cem‘an yekûn: 10.265 akçe Minhe’l-ihrâcât Resm-i âdî ve kassâmiye ve hüddâmiye 261 akçe Dellâliye ve kâtibiye 200 akçe Kaydiye 30 akçe Yekûn: 491 akçe Sahhü’l-bâkī: 9.774 akçe Hissetü’z-zevci’l-mezbûr 2.443 akçe Hissetü’l-ümmi’l-mezbûre 1.832 akçe Hissetü’l-binti’l-mezbûre 5.497 akçe Kesr-i bâkī 2 akçe [36a] Ba‘dehû sagīre-i mezbûre Âişe dahi vefât edip verâseti babası mezbûr el-Hâc Ali Odabaşı ile min-kıbeli’l-üm ceddesi mezbûre Rabia Hatun’a münhasıra olduğu şer‘an zâhir ve nümâyân oldukdan sonra mezbûrân el-Hâc Ali ve Rabia Hatun taleb ve ma‘rifetleriyle tahrîr ve taksîm olunan tereke-i müteveffât-ı mezbûredir ki ber-vech-i âtî zikr olunur. Kutnî anteri 100 akçe Sandal çintiyân 60 akçe Hâre cübbe 120 akçe Çuka ferâce 200 akçe Köhne konduruk? yorgan 80 akçe Vâlidesi müteveffât-ı mezbûre İsmihan Hatun’dan müntakil hissesi 5.497 akçe Cem‘an yekûn: 6.057 akçe Minhe’l-ihrâcât Resm-i âdî ve kassâmiye ve hüddâmiye: 156 akçe Sahhü’l-bâkī Hissetü’l-ebi’l-mezbûr el-Hâc Ali 4.918 akçe Hissetü’l-ceddeti’l-mezbûre Rabia 983 akçe