Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 237 Hüküm no: 174 Orijinal metin no: [39a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Muhzır Mehmed Çelebi’nin çocuklarının üzerine anneleri Fethi Hatun’un vasi tayin edildiği Mahmiye-i İstanbul’da Akseki mahâllesinde sâkin iken bundan akdem vefât eden Muhzır Mehmed Çelebi b. Mahmud’un evlâd-ı sıgārı Salih ve Mehmed ve Mustafa’nın tesviye-i emrlerine cânib-i şer‘den bir vasî nasbı lâzım ve mühim olmağın emânet ve istikāmet ile mevsûfe ve her vechile vesâyet uhdesinden gelmeye kādire idiği zeyl-i kitâbda muharrerü’l-esâmi Müslimîn haberleriyle lede’ş-şer‘i’l-enver zâhir ve mukarrer olan sıgār-ı mezbûrûnun vâlideleri bâ‘isetü’l-kitâb Hâce Fethi Hatun bt. Abdullah’ı hâkim-i muvakkı‘-ı sadr-ı kitâb bi-tevkī‘ihi’r-refî‘i’l-müstetâb tûbâ-lehû ve hüsnü-meâb efendi hazretleri sıgār-ı mezbûrûnun vakt-i rüşd ü sedâdlarına varınca tesviye-i emrlerine vasî ve üzerine kız karındaşları Emine Hatun’u hasbî nâzır nasb u ta‘yîn buyurduklarında onlardan dahi her biri vesâyet ve nezâret-i mezbûreyi kabûl ve merâsimini edâya ta‘ahhüd ve iltizâm etmeğin mâ-vaka‘a bi’t-taleb ketb olundu. Fi’t-târîhi’l-mezbûr li-seneti’l-merkūme. Şuhûdü’s-sâbıkūn