Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 239 Hüküm no: 176 Orijinal metin no: [39a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Efendi’nin kızına Mehmed Ağa’nın vasi tayin edildiği Mahmiye-i İstanbul’da Veled-i Karabaş mahâllesinde sâkin iken bundan akdem vefât eden Ahmed Efendi b. İsmail’in sulbiye sagīre kızı Âişe’nin tesviye-i umûruna kıbel-i şer‘den bir vasî nasbı lâzım ve mühim olmağın emânet ile ma‘rûf ve istikāmet ile mevsûf ve her vechile vesâyet uhdesinden gelmeye kādir idiği zeyl-i kitâbda muharrerü’l-esâmi Müslimîn haberleriyle lede’ş-şer‘i’ş-şerîf zâhir ve mukarrer olan işbu bâ‘isü’l-kitâb el-Hâc Mehmed Ağa b. Ahmed’i hâkim-i muvakkı‘-ı sadr-ı kitâb bi-tevkī‘ihi’r-refî‘i’l-müstetâb tûbâ-lehû ve hüsnü-meâb efendi hazretleri sagīre-i mezbûrenin vakt-i rüşd-i sedâdına varınca tesviye-i umûruna vasî nasb u ta‘yîn (...) vesâyet-i mezbûreyi kabûl ve hizmet-i lâzımesini edâya ta‘ahhüd ve iltizâm etmeğin mâ-vaka‘a bi’t-taleb ketb olundu. Fi’t-târîhi’l-mezbûr li-seneti’l-merkūme. Şuhûdü’s-sâbıkūn