Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 252 Hüküm no: 189 Orijinal metin no: [42b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hazinedar Bosnavi Mustafa Ağa’nın terekesi Mahmiye-i İstanbul’da Şeyh Ebulvefâ mahâllesi ahâlîsinden olup hacc-ı şerîfden gelir iken esnâ-i tarîkde bundan akdem vefât eden Hazînedâr Bosnavî el-Hâc Mustafa Ağa b. Mehmed’in verâseti zevce-i menkûha-i metrûkesi Emine Hatun bt. Mahmud ile sulbî sagīr oğlu Osman’a ve sulbiye kızları Zeyneb Fâtıma ve Ümmü Gülsüm ve sulbî kebîr oğlu olup Mısr-ı Kāhire’de misâfiren sâkin el-Hâc İsmail nâm [kimesneye] ait [ve] münhasıra olduğu şer‘an zâhir ve mütehakkık oldukdan sonra ba‘dehû sagīre-i mezbûre Ümmü Gülsüm dahi vefât edip verâseti vâlidem mezbûre Emine Hatun ile li-üm karındaşı sagīr Emin Mehmed b. Ahmed Ağa’ya ve li-ebeveyn kız karındaşı sagīre-i mezbûre Fâtıma ve li-ebeveyn er karındaşı sagīr-i mezbûr Osman’a münhasıra olduğu şer‘an [zâ]hir ve mütehakkık oldukdan sonra sagīrân-ı mezbûrânın tesviye-i emrlerine kıbel-i şer‘den mansûb vasîleri mezbûr el-Hâc Ataullah Ağa ve sagīr-i mezbûr Emin Mehmed’in babası mezbûr Ahmed Ağa ve mezbûre Emine Hatun taleb ve ma‘rifetleriyle tahrîr ve taksîm olunan hisse-i müntakılesidir ki ber-vech-i âtî zikr olunur. Fi’l-yevmi’s-sâbi‘ aşer min-Cumâdelâhire li-sene selâse ve erba‘în ve mi’e ve elf. Sagīre-i müteveffât-ı mezbûrenin babası müteveffâ-yı mezbûrdan müntakıl ber-mûceb-i defter-i kassâm-ı askerî taksîm olunan hissesi 9.403 akçe Pojegalı el-Hâc Ali kabz olunan zimemden müteveffât-ı mezbûrenin taksîm-i sânîden hissesi 16.410 akçe Hîn-i fevtinde yanında mevcûd olup Mısr-ı Kāhire’den gelen meblağdan taksîm-i sâlisden hissesi 49.447 akçe Vasiyy-i mezbûrun murâbahadan kabz eylediği elli guruşdan sagīre-i müteveffât-ı mezbûrenin hissesi 1.500 akçe Bosna’da el-Hâc Ali’nin bey‘ eylediği dirhem ve terâzu semeni olan on guruşdan hissesi 150 akçe Cem‘an yekûn, hisse-i müntakıle 78.910 akçe, hisse-i menzil 9.000 akçe Minhe’l-ihrâcât Techîz ve tekfîn 2.109 akçe Yevmî dokuz akçeden bâ-hüccet-i şer‘iyye on dokuz ayda sagīre-i müteveffât-ı mezbûrenin nafakasına sarf olunan 5.130 akçe Yevmî on üçer akçe bâ-hüccet-i şer‘iyye ...? nafakasına sarf olunan 1.950 akçe Sagīre-i müteveffât-ı mezbûrenin babası müteveffâ el-Hâc Mustafa Ağa’nın ruûsu için gümrük emînine verilen 696 akçe Yirmi dört ayda menzil meremmâtına ve ücreti mumcu ve mübâşire sarf olunan meblağdan hissesine lâzım gelen 1.317 akçe Resm-i âdî ve kassâmiye ve hüddâmiye 1.900 akçe Kaydiye-i defter 45 akçe Cem‘an yekûn: 13.147 akçe Sahhü’l-bâkī nukūd-ı hisse-i müntakıle 65.763 akçe, hisse-i menzil 9.000 akçe Hissetü’l-ümmi’l-mezbûr Nakidden 10.960 akçe Menzilden 1.500 akçe Hissetü’l-ah li-ümmi’l-mezbûr Kezâlik 10.960 akçe Kezâlik 1.500 akçe Hissetü’l-uht li-ebeveyni’l-mezbûre Kezâlik 14.614 akçe Kezâlik 2.000 akçe Hissetü’l-ahi’l-ebeveyni’l-mezbûre Kezâlik 29.228 akçe Kezâlik 4.000 akçe Ba‘dehû sagīr-i mezbûr Emin Mehmed dahi vefât edip verâseti vâlidesi mezbûre Emine Hatun ile babası mezbûr Ahmed Ağa’ya münhasıra olup lâkin vâris olmayan li-üm karındaşları sagīr-i mezbûr Osman ile sagīre -i mezbûre Fâtıma vâlidesi mezbûre Emine Hatun’u sülüsden südüse hüccet etmekle tashîh-i meselesi altı sehmden olmağla sihâm-ı mezbûrenin bir sehmi vâlidesi mezbûreye ve bâkī beş sehmi babası mezbûr Ahmed Ağa’ya isâbeti tahakkukundan sonra mezbûrân taleb ve ma‘rifetleriyle taksîm olunan hisse-i müntakılesidir ki ber-vech-i âtî zikr olunur. Fi’t-târîhi’l-mezbûr li-seneti’l-merkūme. Sagīr-i müteveffâ-yı mezbûr Emin Mehmed’in bâlâda mezkûr hissesi 10.960 akçe Techîz ve tekfîn 1.860 akçe Minhü 9.100 akçe Hissetü’l-ümmi’l-mezbûre Nakidden 1.516 akçe Menzilden 350 akçe Hissetü’l-ebi’l-mezbûr Nakidden 7.584 akçe Menzilden 1.250 akçe