Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 260 Hüküm no: 195 Orijinal metin no: [44a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Derviş Mehmed Beşe’nin çocuklarına nafaka takdiri Mahmiye-i İstanbul’da Mimarsinan mahâllesinde sâkin iken bundan akdem vefât eden Derviş Mehmed Beşe b. Mehmed’in sulbî sagīr oğlu Halil ve sulbiye sagīre kızı Fâtıma’nın tesviye-i emrlerine bâ-hüccet-i şer‘iyye vasiyy-i muhtârları işbu bâ‘isü’l-kitâb Ahmed Beşe b. Mehmed talebiyle hâkim-i muvakkı‘-ı sadr-ı kitâb bi-tevkī‘ihi’r-refî‘i’l-müstetâb tûbâ-lehû ve hüsnü-meâb efendi hazretleri sagīrân-ı mezbûrânın babaları müteveffâ-yı mezbûrdan müntakil vakıf dükkânları icârâtından târîh-i kitâbdan her birine on ikişer akçe nafaka ve kisve-baha farz ve takdîr buyurup meblağ-ı mefrûz-ı mezbûr on ikişer akçeden cem‘an yirmi dört akçeyi sagīrân-ı mezbûrân levâzım-ı zarûriyelerine harc u sarfa ve vakt-i hâcetde istidâneye ve inde’z-zafer mâllarına rücû‘a vasiyy-i mezbûr Ahmed Beşe’ye izin birle mâ-vaka‘a bi’t-taleb ketb olundu. Fî 15 min-Cumâdelâhire sene 1143. Şuhûdü’l-hâl: Mahmud Ağa b. Osman, Mustafa Beşe b. Mehmed, Süleyman Beşe b. Mehmed, el-Hâc Mehmed b. Ahmed, Mehmed b. Hasan